საიტის ინტერნეტში განთავსება/მართვა, დეტალური განხილვა... პარამეტრები

[da_ta]

ესეიგი საიტის გათავსება ინტერნეტში და მერე მისი მართვა და ასე შემდეგ... როგორ ხდება საერთოდ გარტყმაში არა ვარ...
გულის ოპერაციას უფრო გავაკეთებ ვიდრე მაგას...

და თუ არ დაგეზარებათ დეტალურად ამიხსენით საერთოდ რა როგორ ხდება... მოკლედ იმდენიც არ ვიცი რომ ბევრი კიტხვები დავსვა...

ან რამე ლინკი დადეთ მაგრამ არამგონია მე რო მინდა ისე დეტალურად იყოს სადმე ახსნილი...

P.S: ამას ვკითხულობ არა იმიტომ, რომ ჩემი საიტის შექმნა მომინდა უეცრად არამედ იმიტომ რომ აზრზე მინდა მოვიდე ამ საკითხებში... აბა თქვენი იმედი მაქ ...

P.P.S:და მგონი თემა იქ გავხსენი სადაც საჭიროა... თუ არადა გადაიტანთ და ეგ არის...

[domen]

ახლა, როცა უკვე [წესით] გასაგებია, თუ როგორ მუშაობს სერვერი ზოგადად, გადავიდეთ იმ საშუალებებზე, რომლებიც ბრაუზერს აიძულებენ, გამოსახოს ტექსტი, სურათები, ბმულები და ა.შ. ჩვენთვის სასურველი განლაგებით.

ამ "საშუალებებს" ვებ-პროგრამირების* ენები ჰქვიათ და რამდენიმე ტიპად იყოფიან. ესენია user-side და server-side ენები. user-side ენები არ საჭიროებენ არანაირ დამატებით გარემოს გვერდის დასაგენერირებლად, მათ ბრაუზერი პირდაპირ იგებს. ასეთებია, მაგალითად, HTML და JavaScript. server-side ენები საჭიროებენ სპეციალურ გარემოს, რომელსაც სხვადასხვა პროგრამები და სერვისების ნაკრებები ქმნიან. მათ გარეშე სერვერზე არსებული ფაილებს ბრაუზერი კი არ გიჩვენებთ, არამედ მათ ჩამოტვირთვას შემოგთავაზებთ. ეს კი, რაღა თქმა უნდა, არაფერშია საჭირო.

თვითონ User-Side ენები მეტ-ნაკლებად სტატიკურები არიან - HTML ვერ მოქმედებს მომხმარებლის შესაბამისად, მთლიანად სტატიკურია და ყველას ერთსა და იმავე გვერდს უჩვენებს, JavaScript ცოტათი ახერხებს "გადინამიურებას", მაგრამ ეს გვერდისთვის მხოლოდ ანიმაციური ეფექტების(ცვალებადი ღილაკები, დამალული ტექსტის ცვლა და ა.შ. გვერდის გადაუტვირთავად) დამატების და ცოტა მეტის(მაგ. კალკულატორის გვერდზე დასმის, მომხმარებლის ბრაუზერის, OS-ის სახელის და ვერსიის გაგების) შესაძლებლობას იძლევა, JavaScript-ს მონაცემების დამახსოვრება(მაგ. რეგისტრაციისას) და სერვერთან ურთიერთობა არ შეუძლია.

Server-Side ენებს(მაგ. PHP, Asp) ბრაუზერთან პირდაპირ კომუნიკაცია არ შეუძლიათ - მათ კოდს ბრაუზერი ვერ იგებს. თუმცა, არსებობს შუამავალი ენაც - HTML. რეალურად, როცა ჩვენ მივმართავთ რაიმე გვერდს, დაწერილს Server-Side ენაზე, მის მიხედვით სერვერი აგენერირებს** HTML გვერდს და ბრაუზერიც ამ უკანასკნელის მიხედვით ქმნის გვერდს, რომელისაც შემდეგ ჩვენ ვხედავთ.

ასევე, ცოტა ხნის წინ აღიარეს AJAX(Asynchronous JavaScript and XML), პროგრამირების ენა, რომელიც, ფაქტობრივად, JavaScript-ის განვითარებულ ფორმას წარმოადგენს. მას შეუძლია სერვერთან კონტაქტის დამყარება და გვერდის შეცვლა განახლების გარეშე. ეს არის ის, რასაც ვებ-გვერდის ჩვეულებრივ პროგრამასთან მაქსიმალურად მიახლოება შეუძლია - მთელი მოქმედება მიმდინარეობს ერთ გვერდზე გადატვირთვის გარეშე. ასეთი საიტის მაგალითებია http://myvideo.ge და http://bude.ge . ისინი მთლიანად არიან გადასული AJAX ტექნოლოგიაზე, თუმცა ამასაც აქვს რამდენიმე ნაკლი(მაგ. არ მუშაობს Back და Forward ღილაკები), ამიტომ საიტების უმრავლესობა დღესაც მხოლოდ გაფორმების გასაუმჯობესებლად და გვერდის მცირე ნაწილების სამართავად იყენებს მას.

თუმცაღა ინფორმაციის დამახსოვრება არც Server-Side პროგრამულ ენებს შეუძლიათ, მათ შეუძლიათ ამ დამმახსოვრებელთან(მონაცემთა ბაზასთან) ურთიერთობა. საჭირო შემთხვევაში ისინი აწვდიან ინფორმაციას მონაცემთა ბაზას, რომელსაც ეს უკანასკნელი იმახსოვრებს და შემდეგ საჭირო დროს უკან აბრუნებს კიდეც.

ახლა განვიხილოთ მაგალითი: ვიძახებთ გვერდს "http://maputu.ge/index.php". სერვერი მოთხოვნას მიიღებს, გამოიძახებს გვერდს index.php, სპეციალური პროგრამული უზრუნველყოფის მეშვეობით გარდაქმნის მას ბრაუზერისთვის გასაგებ HTML ფაილად და ამ HTML ფაილს(და არა PHP-ს!) დაუბრუნებს ჩვენს ბრაუზერს, რომელიც წაიკითხავს და გამოსახავს მას.

ამ პრინციპზეა აწყობილი დღევანდელი ვებ-გვერდები.

გაგრძელება იქნება.

---
* რამდენიმე წლის წინ ვებ-გვერდები ჩვეულებრივი პროგრამირების ენებზეც იწერებოდა, მაგრამ მათ არაპრაქტიკულობის გამო დღეს აღარავინ იყენებს.

** ანუ ქმნის HTML გვერდს მოცემული Server-Side ენაზე დაწერილი გვერდის მიხედვით.

პოსტის უკანასკნელი ჩამსწორებელია domen: Aug 9 2007, 09:38 AM