უნივერსალური დაცვა, შესაძლებელია? პარამეტრები

[domen]

კარგა ხანია ვირუსს "პირისპირ" არ შევხვედრივარ და დღეს, როცა ტორენტიდან გადმოწერილმა საინსტალაციომ გაშვებისას უსირცხვილოდ ჩამიგდო spyware ვინდის საქაღალდეში, ცოტა არ იყოს, დავიბენი.

არა, მთლად ჩემი ანტივირის ბრალიც კი არ ყოფილა, პატიოსნად იჭყივლა, "ვაი, ვირუსიო!", მაგრამ იმწამს ჩავაკმენდინე ხმა(ცრუ განგაში მეგონა) და ეს 15 მძიმე წუთად დამიჯდა - ყოველ ხუთ წამში ხტებოდა ფანჯარა რაღაც houi.exe-ს თუ რაღაც მაგდაგვარის ავარიული დახურვის შესახებ და "დაპანიკებასთან" ერთად გადაწყვეტის მოძებნასაც მიშლიდა. ბოლო-ბოლო AVG Anti-Spyware გადმოვწერე და ეს ფაილიც მოვიცილე თავიდან, მაგრამ პრობლემა ამით არ გადაწყვეტილა, პირიქით - უფრო შემახსენა თავი.

მოკლედ, მაინტერესებს, თუ არსებობს უნივერსალური დაცვა, პროგრამა, რომელიც იქნება "ყველა ერთში" ისე, რომ არ მომიწიოს Firewall, Anti-Virus, Anti-Spyware, Anti-Spam და კიდევ ათასი რაღაც ცალ-ცალკე ვაყენო და ვაკონფიურირო, თან ეს ყველაფერი უნდა იყოს ეფექტური და თუ უფასო არა, ადვილად გასატეხი მაინც.

გაქვთ რამე შემოთავაზება?

P.S. Sandboxie-ს გარდა (IMG:style_emoticons/default/smile.gif)

[domen]

otosaxel
აეხლა თავი დამანებე! (IMG:style_emoticons/default/biggrin.gif) (IMG:style_emoticons/default/biggrin.gif)

და გადმოდი უფრო ნერვების ნაკლებად მომხმარებელ კონფიგზე (IMG:style_emoticons/default/wink.gif)

მოკლედ, მგონი ვიპოვე უნივერსალური გამოსავალი.

ჩემი პირველი არჩევანი, BitDefender უსარგებლო გამოდგა. განა იმიტომ, რომ არაფუნქციონალურია, პირიქით, ზედმეტად ფუნქციონალურია (IMG:style_emoticons/default/biggrin.gif) და თან კასპერსკიზე უარესი ავადმყოფობა ჭირს - ჩემს პირობებში საერთოდ არ დაიკრეკა (IMG:style_emoticons/default/smile.gif) რას იზამ, კარგი დაცვა კარგი ფულიც ღირს..

ესე იგი, სისტემა(BitDefender Total Security 2008) მუშაობს შემდეგნაირად:

სისტემა შედგება 4 მოდულისგან, რომელთა მოთხოვნების საბოლოოდ დაკმაყოფილება პრაქტიკულად შეუძლებელია! ყოველ შემთხვეევაში, ჩემისთანა ჯიუტი ნატურისთვის მაინც (IMG:style_emoticons/default/smile.gif) იმისთვის, რომ სისტემამ გითხრას, ყველაფერი კარგადააო, უნდა დააკონფიგურირო მშობლების კონტროლის მოდული, გააკეთო დისკების დეფრაგმენტაცია, მოძებნო დუბლირებული ფაილები, ოპტიმიზაცია გაუკეთო რეესტრს, აუცილებლად დაარეზერვო რამე და ა.შ. და ა.შ. მოკლედ, პირველი დღე მაინც ამის მითითებების შესრულებას უნდა მოუნდე. ეს რაღაცით მაგონებს ზედმეტად ჭკვიან ადმინისტრატორს, რომელიც არ გიტოვებს საშუალებას, სისტემა შენს გემოზე მოირგო. ამან შეიძლება ჩვეულებრივი მომხმარებელი დააკმაყოფილოს, მე - ვერა (IMG:style_emoticons/default/smile.gif)

მოკლედ, ეს მოდულებია(ზოგი უკვე აღვნიშნე) - დაცვა, მშობლების კონტროლის სისტემა, დარეზერვება და სისტემის გაუმჯობესება. ეს ბოლო სამი პროდუქტისთვის, მისი დანიშნულებიდან გამომდინარე, ცოტა ზედმეტადაც კი მეჩვენება. თუმცა, პირველი დაყენებისას ხომ ორიდან ერთი შეგრძნება გიჩდება - ან "აუ, რა მაგარია, ამასაც აკეთეებს?!" ან კიდევ "არ მჭირდება, მაგრამ იყოს". მე მეორე უფრო მომივიდა თავში და ძალიანაც შევცდი - დაყენების შემდეგ აღმოჩნდა, რომ ეს მთლად ასეც არაა - თუ ბოლომდე არ მიყევი დანიშნულებებს, ნერვებისმომშლელად იქნება ანთებული წითელი X-ები, და თუ მიყევი, შეიძლება სისტემა დააზიანო, რადგანაც ზოგიერთი მოდული(მაგ, სისტემის გაუმჯობესება(ანუ Tune-up)) ახალი ჩადგმულია და კომპანიის ამ კუთხით გამოუცდელობა მწარედ იჩენს თავს.

სხვა პრობლემა რომ არა, მხოლოდ ეს დამაწყებინებდა სხვა ანტივირის ძიებას, მაგრამ ნელ-ნელა სხვებმაც იჩინეს თავი. კერძოდ:

1. სისტემა არაფრით არ იკრეკება! ინტერნეტში გავრცელებულია მხოლოდ ერთი KeyGen, თუმცა მის მიერ გენერირებული კოდის შეყვანისას პროგრამა უკავშირდება მთავარ სერვერს და იმწუთში მეუბნება, რომ არასწორია. თუნდაც offline რეჟიმში დაკრეკვისას პროგრამა პირველივე განახლებისას(ასეთს კი საათში ერთხელ აკეთებს) ამოწმებს გასაღების ვალიდურობას და შედეგი მაინც იგივეა..

2. რატომღაც შესამჩნევზე მეტად ნელა მუშაობს თვითონ პროგრამა. მაქვს Core 2 Duo E6750, 1 გბ რამი და ახლად დაინსტალირებული ვინდოუსი. ასე რომ, ეს მხოლოდ თვითონ ანტივირუსს შეიძლება დაბრალდეს. მით უმეტეს, რომ PCMagazine-ის მონაცემებით BitDefender კომპს 124%-ით(!) ანელებს. ეს მაშინ, როცა NOD32-ის იგივე მაჩვენებელი მხოლოდ 5%-ია, კასპერსიკისი კი 10%(სხვათა შორის, ყველაზე დიდი BitDefender-ის შემდეგ).

ასე რომ, BitDefender გამომერიცხა. მივხედოთ სხვა ვარიანტებს.

დავიწყე ინტერნეტში სეირნობა, განხილვების კითხვა და ტესტების თვალიერება და ცოტა ხანში, ასე თუ ისე, ყველას ავკარგიანობაზე შემექმნა წარმოდგენა. ვიფიქრე, Panda-ს მოვსინჯავ-მეთქი, მაგრამ მას ერთი დიდი ბაგი აღმოაჩნდა - არასაკმარისი თავისუფალი რამის ქონის შემთხვევაში არ იშვება TruePrevent, ამასობაში კი სისტემა აჩვენებს, რომ ყველაფერი გაშვებულია! შეიძლება ძველი განხილვაც წავიკითხე და ახალ შუალედურ რელიზში ეს გასწორებულია კიდეც, მაგრამ ამ მწარმოებლისკენ მეტი აღარც მიმიხედია (IMG:style_emoticons/default/smile.gif)

მერე იყო AVG, ძალიან მომეწონა მისი ინტერფეისი. ლამის იყო, ამან არ გადამძალა (IMG:style_emoticons/default/biggrin.gif) მაგრამ ტესტების წყალობით დროზე მოვეგე გონს და ვეცი Mcafee Total Protection-ს. ჩამოტვირთვა ჯერ არ იყო დასრულებული, რომ უკვე გადავწყვიტე, არ დამეყენებინა. რატომ, სამწუხაროდ, აღარ მახსოვს (IMG:style_emoticons/default/smile.gif)

მერე საბალოოდ გადავწყვიტე, რომ "უნივერსალური დაცვა" საკუთარი თავის ჩემნაირი მომხმარებლისგან დაცვასაც მოახერხებდა(ასეთებია, მაგალითად, Kaspersky და BitDefender) და გადავწყვიტე, ცალ-ცალკე მქონოდა ანტივირუსი(ჩაშენებული Anti-Spyware, Anti-Spam RootKit Detector და ყველა სხვა ფუნქციით) და Firewall. ეს უკანასკნელი(Comodo Firewall Pro) კარგა ხანია ავარჩიე gearge-ს დახმარებით და საკმაოდ კმაყოფილიც ვარ, მით უმეტეს, რომ პროგრამა სრულიად უფასოა! არც კრეკების ძიებაზე ნერვების დაწყვეტაა საჭირო და არც დაბლოკილი Key-ს გამოგლოვება. მოკლედ, თქვენც გირჩევთ, გასინჯოთ.

ჰმმ, დამრჩა ანტივირუსი. ჩემს ამ მოთხოვნას განხილულებში აკმაყოფილებდა Norton Antivirus 2008 და... ჩემი "ბებერი, კეთილი NOD32". ნოდის დანახვაც არ მინდოდა უჟმური ინტერფეისის გამო(მაინც რამდენს ნიშნავს ეს!) და ნორტონი დავქაჩე. დაყენების შემდეგ აღმოჩნდა, რომ ანტივირუსმა ქსელი მთლიანად გათიშა(რადგანაც ინტერნეტიც ქსელის იმიტაციაში გადის, ეგეც გაითიშა) და, რაც მთავარია, პროგრამა არ ირთვება(აი, მესმის გადაწყვეტა!) და პროცესებიდან ამოგდებაც არ შველის - სადღაც იმალება "მამიკო" პროცესი, რომელიც მთავარ პროცესს ამოგდებისთანავე უშვებს.

მოკლედ, მომიწია პროგრამის სტარტაპიდან ამოგდება და დარესტარტება, შემდეგ სიამოვნებით ამოვაინსტალირე და ჩემი ბებერი, ნაცადი NOD32 დავაყენე.

მოკლედ, "გასრულდა ესე ამბავი" ძალიან ბედნიერად, დავუბრუნდი ფესვებს და ძალიან კმაყოფილიც ვარ, თუ ვინმეს დაგაინტერესებთ, შემიძლია მთელი "შეკვრაც" მოგცეთ - Comodo Personal FireWall Pro v2.4 + NOD32 v2.7 Cracked + ინსტალაციის ინსტრუქციები. ალბათ ამას სტატიის სახითაც დავწერ, მგონი, მართლა კარგი კონფიგურაციაა. თქვენ რას იტყვით?

P.S. ოთო, File.ge-ზე შეიხედე, კარგი ამბავი გელოდება (IMG:style_emoticons/default/smile.gif)

პოსტის უკანასკნელი ჩამსწორებელია domen: Nov 1 2007, 07:24 PM