Asus Eee PC, განვიხილოთ პარამეტრები

[domen]

გუშინ ჩამივარდა Eee PC-ს ერთი ეგზემპლარი ხელში (დიდი მადლობა განათლების სამინისტროს) და ორსაათიანი ურთიერთობის შემდეგ საკმაოდ კმაყოფილი დავრჩი (IMG:style_emoticons/default/smile.gif) მგონი პირველი სწორი გადაწყვეტილებაა ქართული განათლების კომპიუტერიზაციის სფეროში ..

მალე მოკლე განხილვასაც დავწერ (სრული განხილვა ასე 10 დღეში იქნება), იქამდე კი თქვენი აზრი მაინტერესებს ამ მოწყობილობაზე (IMG:style_emoticons/default/smile.gif)

პოსტის უკანასკნელი ჩამსწორებელია domen: May 21 2008, 08:51 AM

[domen]

ესსე იგგი.

ყუთი მშვენივრადაა გაფორმებული, მაგრამ ძალიან დიდია - თავი რომ ავხადე და ხელისგულის სიფართე Eee PC შემრჩა, ცოტა დავიბენი (IMG:style_emoticons/default/biggrin.gif) კომპლექტაციაშია:

• თავად Eee PC 2G (Surf)
• ბატარეა მოხსნილ მდგომარეობაში
• დამტენი
• ორი CD - Linux Recovery CD და Support CD ვინდოუსისთვის (დრაივერები, იარაღები და ელექტრონული მანუალი)
• ოთხი ბროშურა - Asus Eee PC Warranty Card (აქ არაფერში გამოდგება), Quick User Guide, User Guide და რაც ყველაზე საინტერესოა - Windows XP Installation Guide, Asus სრულად ზრუნავს თავის მომხმარებლებზე :-)

გახსნამდე ყველაზე თვალშისაცემი მყარი დისკის მოცულობაა - 2 გბ ისედაც არაა ბევრი და თუ ოპერაციულ სისტემას და პროგრამებსაც გავითვალისწინებთ, ახალგახსნილ ნოუთზე 313 მეგაბაიტიღა რჩება თავისუფალი :-) თუმცა ამ პრობლემას იოლად აგვარებს CardReader, რომელსაც 16 გბ-მდე მოცულობის SD ბარათების აღქმა შეუძლია. პროცესორის და RAM-ის მახასიათებლების გათვალისწინებით ძალიან სასაცილო მეჩვენებოდა ფრაზა "Almost instant Startup", მააგრამ ..

ჩართვა მართლა თვალის დახამხამებაში ხდება - სანამ F2-ს მოვძებნიდი კლავიატურაზე (BIOS-ს ჩართვა მინდოდა), სისტემა უკვე ჩაიტვირთა (IMG:style_emoticons/default/biggrin.gif) მომიწია გადარესტარტება (გათიშვა კიდევ უფრო ჩქარა ხდება), კიდევ კარგი, ამჯერად F2-ზე თითი უკვე მედო, BIOS-ში შესვლა აღარ გამჭირვებია :-) თუმცა, 4G-სგან განსხვავებით, რეგულირებადი მხოლოდ IDE მოწყობილობების მაკონტროლირებელი სექცია [და საათი] დამხვდა, პროცესორის სიხშირის გაზრდა-დაკლების შესაძლებლობა ამ სერიაში არ არის.

სტარტაპის შემდეგ დესკტოპის მაგივრად გამოდის ტაბირებული (Tabbed - სხვანაირად ვერ ვთარგმნე) ინტერფეისი, დაყოფილი სექციებად Internet, Work, Learn, Play, Settings და Favorites. ინტერფეისი აბსოლიტურად "თვით-დოკუმენტირებადია" და ზედმეტ ახსნას არ საჭიროებს.

(IMG:http://www.eeeeducation.com/images/asus_homescreen_eeePC_600.jpg)

(IMG:http://www.featuredsystems.com/wp-content/uploads/2008/02/snapshot2.png)

რაც შეეხება პროგრამებს, ვერ იტყვი, რომ ძალიან ბევრია, მაგრამ საშუალო მოსწავლეს ნამდვილად ყველაფერში უნდა ეყოს (IMG:style_emoticons/default/smile.gif) აქ არის OpenOffice Word-ის, Excell-ის და PowerPoint-ის ალტერნატივებით, PDF Viewer, ლექსიკონი, Skype, Pidgin, Firefox (v2.0.0.11), File Manager (თუ არ ვცდები, Konqueror), სრული Multimedia პაკეტი ვიდეო, აუდიო და ფოტო კოლექციებთან სამუშაოდ და, ბოლოს, ოთხი თამაში, თითქმის არცერთი არ ვარგა, მაგრამ უსაქმურობა მაჩვენე და თამაშს გაჩვენებო, გექნებათ გაგონილი (IMG:style_emoticons/default/tongue.gif)

ინტერფეისი სწრაფია, როცა საქმე ტაბებს შორის გადართვას შეეხება, მაგრამ პროცესორის სისუსტე პირდაპირ ჩანს დატვირთვის ოდნავ მომატებისას - სრულიად "უსაქმურ" რეჟიმში პროგრამები ჩართვის მოთხოვნიდან 5-15 წამში ირთვებიან, უკვე რომ აღარც ელოდები, ზუსტად მაშინ (IMG:style_emoticons/default/biggrin.gif) ხშირია გაჭედვები მუშაობისასაც ..

შესაძლებელია PC-ს შეერთება დიდ მონიტორთან, თუმცა მაქსიმალური გარჩევადობა შეზღუდულია 1024 x 768 პიქსელზე; ჩემს შემთხვევაში 17''-იანმა მონიტორმა მშვენივრად იმუშავა (თურმე რამხელა განსხვავებაა 10'' (IMG:style_emoticons/default/biggrin.gif) ). მოწყობილობას აქვს სამი USB 2.0 პორტი, რომლებმაც რატომღაც არ იმუშავეს ცოტა მოძველებულ Transcend-ის ფლეშკასთან (სისტემა ცნობდა ფლეშკას, მარგამ ვერ ხსნიდა).

რაც შეეხება კლავს, პატარაა, მაგრამ ეტყობა, დიდი მომავალი აქვს :-) მიჩვევის შემდეგ პრობლემა არ უნდა იყოს, მით უმეტეს, რომ პირველივე შეხებაზე, ასე თუ ისე, ნორმალური სისწრაფით მოვახერხე აკრეფა. ტაჩპედი გასაგებია, რომ საერთო ზომებში უნდა იჯდეს, მაგრამ ძალიან პატარაა (IMG:style_emoticons/default/sad.gif) ისევ გავიხსენებ - პატარა ტაჩპედი მანახე და ... :-)

სამწუხაროდ, ერთსაათიანი დატვირთვის შემდეგ ისე გაცხელდა ქულერის მხარე, რომ მუხლზე დადება უკვე დისკომფორტს მიქმნიდა და, რაც მთავარია, ნოუთმა დამწვარი პლასტმასის სუნი გაუშვა (IMG:style_emoticons/default/biggrin.gif) საათ-ნახევრის შემდეგ ტაჩპედიც შეუერთდა და უკვე თითით მანიპულირებაც გაჭირდა :-) ვნახოთ, დრომ იქნებ ცოტა მაინც გამოასწოროს ..

მოკლედ, საერთო ჯამში მშვენიერი მოწყობილობაა მათთვის, ვისაც სურს ნებისმიერ ადგილას შეეძლოს საოფისე სამუშაოების შესრულება, ელ-ფოსტის შემოწმება, ინტერნეტში სეირნობა და ბლოგზე და ფორუმებზე პოსტვა, მაგრამ კრიზისის სათამაშოდ, რენდერისთვის და თუნდაც ოდნავ მძიმე პროგრამების გასაშვებად ნამდვილად არ გამოდგება. მოკლედ, იდეალურია მოსწავლისათვის :-)

სამწუხაროდ, ჯერჯერობით ვერ მოვასწარი გამეტესტა Wi-Fi, ქსელი, ჩაშენებული მიკროფონი და დინამიკები და ჩამეტარებინა დამატებითი მოდიფიკაციები.

რაც შეეხება ვინდის დაყენებას, მე გირჩევთ არა XP, არამედ Windows Fundamentals for Legacy PCs (Windows FPL) დააყენოთ (აგერ ტორენტის ბმული).

-----------------------
otosaxel
მე რა შუაში ვარ, ჩემს დას მისცეს (IMG:style_emoticons/default/smile.gif) მე აწი სტიპენდიის იმედზე თუ ვიქნები (IMG:style_emoticons/default/biggrin.gif) თან forum.ge-ზე ხალხმა, ჩაგვივარდება თუ არა ხელში, 100 ლარად ვყიდითო და ველოდები .. (IMG:style_emoticons/default/rolleyes.gif)

პოსტის უკანასკნელი ჩამსწორებელია domen: May 21 2008, 02:35 PM