Windows 7, სკრინები, რესურსები, განხილვები პარამეტრები

[domen]

Windows 7 კარს მოგვადგა, აგერ უკვე Milestone 3-ის ტესტირება მიდის და დეკემბრის შუა რიცხვებისთვის პირველი საჯარო ბეტაც უნდა ვიხილოთ. ასე რომ, დროული კი არა, დაგვიანებული თემაა :-)

გირჩევთ ყველას:

Shipping Seven, MS-ის თანამშრომლის ხედვა Win7-ზე
ZDnet >> Microsoft Blog

აქიდან ვიღებ უახლეს ინფორმაციას :-)

ესეც საინტერესო რესურსია, ბოლო დროს აქტიურად დებს Win7 M3-ის სკრინებს:

uxevangelist - BlogSpot

თუ ვინმეს გაქვთ საინტერესო ინფორმაცია ან გადამოწმებული ნიუსერი საიტები (გუგლიდან არა (IMG:style_emoticons/default/tongue.gif) ), დაყარეთ :-)

[domen]

მოკლედ, როგორც იცით (ან უკვე იცით), სტივ ბალმერმა CES 2009-ზე გამოაცხადა Win7 Beta1-ის გამოსვლა. ამასთან დაკავშირებით დავაპირე სიახლე დამეწერა და მთელი Win7 სტადიის შეჯამება გამომივიდა (IMG:style_emoticons/default/biggrin.gif)

ძალიან დაღლილი ვარ და ვიფიქრე, კარგი იქნება, ჩემ გარდა ვინმემ გადახედოს-მეთქი კიდევ, რამე მნიშვნელოვანი არ მქონდეს შეცდომით ან გამორჩენილი :-)

მოკლედ, გადახედეთ და შეაფასეთ (სურათებს, ბმულებს და ვიდეოებს ბოლოს ჩავამატებ):

ყველამ ვიცით, რომ Microsoft დიდი ხანია მუშაობს Windows-ის მომავალ ვერსიაზე. ამ ვერსიას უნდა ჩამოერეცხა Vista-ს (და შემდეგ Vista SP1-ის) სირცხვილი, გაეჩუმებინა შეტევაზე გადმოსული პინგვინები და მაკისტები (Get a Mac რეკლამების სერია - ბრრ, არ ვისურვებდი ბალმერად ყოფნას) და აღედგინა კომპანიის რეპუტაცია.

ეს ყველაფერი სათქმელადაა ადვილი, თორემ ბევრი არც ელოდა, რომ გეითსის წასვლის შემდეგ (ექსცენტრული ბალმერის ხელში!) ასეთ კრიზისში მყოფი კომპანია რამე ინოვაციურს შექმნიდა, მაგრამ ცოტათი გავასწრებ თხრობას და გეტყვით, რომ გამოუვიდათ! ახლა კი განვაგრძოთ:

საკმაოდ დიდი ხანი MS-ს თითქოს (რაღა თითქოს) ყურადღება გადაჰქონდა თავისი NUI-თი და Surfice Computing-ით, შემდეგ "I'm A PC" და "Life Without Walls" კამპანიებით (სხვათა შორის, მათი წამოწყება ზუსტად ეპლის Get A Mac სერიამ გამოიწვია), გზადაგზა კი წვრილ-წვრილ სიახლეებს ტენიდა, როგორიც იყო, მაგალითად, Windows Live სერვისების ბეტა ვერსიები ან კიდევ Windows 7-ის მაქსიმალურად შემოკლებული დემო ვიდეოები და "გამოჟონილი" "ინსაიდერული" ინფორმაციები დაუჯერებელ შესაძლებლობებზე.

ცოტა ხნის კი წინ მითქმა-მოთქმა გაიზარდა და, ბოლოს და ბოლოს, PDC 2008-ზე MS-მა წარმოადგინა Windows 7-ის (სხვათა შორის, ზუსტად აქ გამოცხადდა, რომ ვერსიას ოფიციალურადაც ეს სახელი ექნებოდა, იქამდე მას ასე არაოფიციალურად იხსენიებდნენ) მუშა ვერსია, მართალია, Pre-Beta, მაგრამ მაინც მუშა. ეს ვერსია 200 GB-იან SSD მატარებლებთან ერთად (მმ!) უფასოდ დაურიგდათ კონფერენციის მონაწილეებს, გარეთ დარჩენილებს კი (ო, ასეთი ბევრნი ვიყავით!) ძალიან პოზიტიური განხილვები, რამდენიმე სკრინი თუ დემო ვიდეო და ისევ და ისევ ლოდინი შეგვრჩა.

თუმცა ეს დიდხანს არ გაგრძელებულა - მალე "გაჟონა" Win7-ის PDC-ულმა ვერსიამ, რომელსაც შემდეგ კიდევ რამოდენიმე ბილდი მოჰყვა და ბოლოს, ტორენტებზე გამოჩნდა ვერსია (Build 7000), რომელიც, ჭორების მიხედვით, უნდა ყოფილიყო ნანატრი Win7 Beta1, ანუ რამდენადმე სტაბილური ვერსია, რომელთანაც (იდეაში) უკვე სერიოზულად მუშაობაც შეიძლება.

აღნიშნული ვერსია (თავად ვადასტურებთ) მართლაც (MS-ისთვის უჩვეულოდ) სტაბილური და დახვეწილია. ინტერფეისი სასიამოვნოდაა გაფორმებული, დრაივერებთან პრობლემა თითქმის არ არის (გარდა ცალკეული ეგზოტიკური შემთხვევებისა), საერთო ჯამში სისტემა შეუდარებლად სწრაფად მუშაობს და რესურსებსაც ნაკლებად ტვირთავს. უკვე გასაგებია, რას აკეთებდა კომპანია მთელი ეს დრო ვისტას გამოსვლიდან.

გუშინ კი CES 2009-ზე სტივ ბალმერმა საბოლოოდ დაადასტურა, რომ ჭორები მართალია და Build 7000 ბართლაც Win7 Beta1-ია. ის უკვე ხელმისაწვდომია MS-ის ტესტერებისთვის, ფართო აუდიტორიისთვის კი პარასკევს გახდება ხელმისაწვდომი ოფიციალურ ვებ-გვერდზე.

მოკლედ, ბეტა ტესტირება დაიწყო და საკმაოდ წარმატებულადაც, ვნახოთ, გზადაგზა რა სიახლეები იქნება.

პოსტის უკანასკნელი ჩამსწორებელია domen: Jan 9 2009, 03:52 PM