Windows-ის დაინსტალების შემდეგ საჭირო პროგრამები, ახალბედებისთვის,უფასო ვერსიები პარამეტრები

[gio_kiborg]

მგონი საჭიროა ეს თემა ფორუმზე(მე ვერ ვნახე მსგავსი აქ)
მოკლედ,რა პროგრამებია საჭირო ვინდოუსის გადაყენების მერე რომ გქონდეთ მრავალფუნქციური სისტემა,მე დავიწყებ და დანარჩენებმა დაამატეთ რაც გამომრჩეს,შევეცადოთ უფასო ვარიანტები დავწეროთ რათა არ დავტანჯოთ სერიალების და კრეკების ძებნაში ახალბედები:
მოკლედ:
არქივატორები
1) WinRar-ყველაზე ცნობილი და მუშა,თუმცა ფასიანია მაგრამ არ იბლოკება.
ჩამოსაქაჩი გვერდი
2)ალტერნატივა 7-Zip-უფასოა,თუმცა იმდენი ფორმატის მხარდაჭერა არ აქვთ როგორც WinRar-ს.
ვებ-გვერდი
დისებზე ჩამწერი
InfraRecorder-Nero-ს საკმაოდ ძლიერი უფასო ალტერნატივა,სულ რაღაც 2.5მბ
ჩამისაქაჩი გვერდი

აუდიო-ვიდეო კოდეკები
ვისტასთვის: აქ
დანარჩენი ვინდოუსისთვის: აქ

პლეერები-ვისაც რა მოგწონთ გუგლში ჩაწერეთ,უმეტესობა უფასოა,ან ფასიანი და უფასო ვერსიები აქვს.

ბრაუზერები-ყველაზე მოსახერხებელი და მრავალფუნქციურები Opera და Firefox-ია.მე პირადად ოპერას ვამჯობინებ.

PDF Reader-მე გირჩევთ Foxit Reader-ს,პატარა და სწრაფი პროგრამაა,თუ არ გაკმაყოფილებთ,თვით AdobeReaderგადმოწერეთ.
PDF-Printer გირჩევთ ეს გვერდი,მშვენიერი გადაწყვეტილებაა,როცა PDF-ის შექმნა მოგინდებათ,გაუშვებთ ბეჭვდაზე დოკუმენტს და პრინტერებში მიუთითებთ doPdf-ს.

საოფისე პაკეტები
ეს ცოტა მტკივნეულია,რადგან ყველა MS-Office-საა მიჩვეული,რომელიც ძვირი ღირს,თუმცა მგონი ყველა ქართულ საიტზეა ყველა ვერსია,უბრალოდ გუგლში ჩაწერეთ Microsoft Office და მიუთითეთ "გვერდები შემდეი ქვეყნიდან: საქართველო"
ხოლო თუ წვალება გეზარებათ ან არ შეგიძლიათ,თან ამასობაში ნორმალური ინტერნეტი გაქვთ ისარგებლეთ
GoogleDocs-ით,ხოლო თუ ნეტი არ გივარგათ გადმოწერეთ ან OpenOffice ,ან GnomeOffice-თი.

ანტივირუსი:
უფასოებში ყველაზე კარგია AntiVirPersonalEdition
ან AVG-Free
ხოლო შპიონური მოდულებისგან დასაცავადგამოიყენეთ Ad-Aware,Homepage

მულტიმედია ფაილებთან სამუშაოდ(კონვერტერები):
VirtualDub-ვიდეოსთან სამუშაო,გირჩევთ ნახოთ დოკუმენტაცია

Mediacoder-ერთ-ერთი უძლიერესი პროგია სხვადასხვა ფორმატის აუდიო-ვიდეო მასალის ფორმატებში გადასაყვანად.

რა ვიცი თითები მეტკინა უკვე,დანარჩენი სხვებმა დაამატეთ.

[domen]

gi0_kiborg
დიდი მადლობა, კარგი რაღაცები გამახსენე :-) WinRar არ გამომრჩენია, ფასიანია ეგ (IMG:style_emoticons/default/biggrin.gif) სამაგიეროდ ჩავსვი 7Zip - უფასოა და .rar-საც ხსნის. ნუ, Free Download Manager გვაქვს უკვე და ღირს Orbit-ით ჩანაცვლება? GomPlayer არ გვინდა ალბათ, სადაც KMPlayer და VLC გვაქვს :-) K-Lite ჩავამატე და Last.FM-ზე არ გაგვიმართლა, ფასიანი გახდა დღეს დილით (IMG:style_emoticons/default/biggrin.gif) TotalCommander ვითომ ყველას სჭირდება? FlashPlayer ჩავამატე, მადლობთ :-) Hamachi-ც და .Net-იც. აი, dxwebsetup მგონი DirectX-ია? გამომრჩა ეგ, მგონი :-) PhotoFiler არ ჩავამატე, მგონი Paint.Net-იც გაართმევს თავს, არა? თან ფასიანიაო ..

განახლებების გაკეთებას ვაპირებ, ვნახოთ, როგორ ავეწყობით (IMG:style_emoticons/default/smile.gif)

მოკლედ, ძლივს დავჯექი და ტექსტი მოვამზადე, მაგრამ ანოტაციები ისევ გვერდით დამრჩა (IMG:style_emoticons/default/sad.gif) ხვალ მოვამთავრებ, ალბათ (ეს ხვალ არ გათავდა (IMG:style_emoticons/default/biggrin.gif) ). აი ტექსტი:

სისტემის გადაყენება არავის გვსიამოვნებს, მაგრამ არა 20-30 წუთის ხანგრძლივობის ინსტალაციის გამო - ვისაც ეს პროცედურა ერთხელ მაინც გაუვლია, იცის, რომ ყველაზე ძნელი ყველა საჭირო პროგრამის მოძიება, ჩამოტვირთვა, დაყენება და დაკონფიგურირება გახლავთ. ამ პროცესს, როგორც წესი, 2-4 საათი მაინც სჭირდება.

კომპინფომ გადაწყვიტა, ცოტათი შეგიმსუბუქოთ ეს ტანჯვა და დღეიდან ჩვენ შემოგთავაზებთ Windows-ის გადაყენების შემდეგ საჭირო პროგრამების ნაკრებს. ნაკრები და მასში შემავალი პროგრამები რეგულარულად განახლდება (განახლების ინტერვალი ჯერჯერბით განსაზღვრული არ არის) და განთავსდება ჩვენს სერვერზე, რაც ნიშნავს, რომ სიჩქარესთან პრობლემები არ გექნებათ და არც CAPTCHA-ს შეყვანა და ლოდინი იქნება საჭირო.

ფორუმის წევრებთან ერთად მსჯელობის შედეგად გადაწყდა, რომ ნაკრებში უნდა მოხვდნენ მხოლოდ უფასო პროგრამები, რადგანაც კომპინფო არ ავრცელებს ვარეზულ კონტენტს და უფასო პროგრამა უფრო ადვილი განსაახლებელია ახალბედებისთვის (განსაკუთრებით ეს ეხება ანტივირუსულ პროგრამულ უზრუნველყოფას, საჭირო არ იქნება ყოველდღე ახალი ლიცენზიის ძებნა).

უფასოობა რომ ცუდ ხარისხს არ ნიშნავს, ეს დიდი ხანია ცნობილია, ასე რომ, ჩვენ მოგვეცა საშუალება აგვერჩია თავის კლასში საუკეთესო პროგრამები და ისინი მოგვეწოდებინა თქვენთვის. თითქმის არცერთ პროგრამას აკლია რაიმე მნიშვნელოვანი შესაძლებლობა ამ მომენტის გამო; არიან გამონაკლისებიც, მაგრამ მათ ვერაფერს მოვუხერხებთ.

მაგალითად, ამ ნიშნით გამოვრიცხეთ Microsoft office 2007 და WinRar, თუმცა მათ მაგივრად ჩავსვით OpenOffice 3.0 და 7Zip - ზემოთაღნიშნულების უფასო ალტერნატივები, ორივე თითქმის საუკეთესოა თავის კლასში. მართალია, OO ახლოსაც ვერ მივა MS Office-თან გარკვეულ ასპექტებში, მაგრამ სხვა გზა არ გვაქვს, ჩვენ არ გვქონდა საშუალება გადაგვეხადა რამოდენიმე ასეული დოლარი ლიცენზიაში. თუმცა, რაც შეეხება 7Zip-ს, ის ნამდვილად ღირსეული შემცვლელია WinRar-ისა.

ასევე გასათვალისწინებელია, რომ ნაკრებში შედის მხოლოდ ზოგადი გამოყენების პროგრამები, ანუ ისინი, რომლებიც ყველას შეიძლება დასჭირდეს, სპეციფიკური პროგრამები, როგორებიცაა, მაგალითად, GIMP (დიზაინერებისთვის) ან Eclipse (პროგრამისტებისთვის) ნაკრებში ვერ მოხვდნენ. თუმცა ეს არ ნიშნავს, რომ მათი ჩამატება მომავალ ვერსიებში არ შეიძლება, ჩვენ დიდი მადლობით მივიღებთ თქვენს გამოხმაურებას, შენიშვნებს და სურვილებს, რომელთა საფუძველზეც პაკეტის შემადგენლობა თავისუფლად შეიძლება შეიცვალოს, მას თქვენ ქმნით.

გამომდინარე იქიდან, რომ ნაკრები პირველად იქმნება, დასაშვებია მასში ხარვეზების არსებობა. კიდევ ერთხელ - ჩვენ მადლობით მივიღებთ თქვენს შენიშვნებს და კრიტიკას.

ამრიგად, პაკეტი დაყოფილია რამოდენიმე კატეგორიად. ჯერჯერობით ესენია: ინტერნეტი, მულტიმედია, სისტემური უტილიტები, დაცვა, ოფისი, სხვა. მისაწვდომია როგორც მთელი პაკეტი ერთი არქივის სახით, ასევე ცალ-ცალკე კატეგორიები და პროგრამებიც კი.

გადავიდეთ უშუალოდ შემადგენლობაზე. მაშ ასე, კატეგორიების მიხედვით შემადგენლობა ასეთია:

• ინტერნეტი: Opera, FireFox, Skype, Digsby, Pidgin, µTorrent, filezilla, Teamviewer, FDM.
• მულტიმედია: KMPlayer, VLC, Winamp, Aimp, Youtube Downloader, Picasa, VirtualDub, Paint.Net.
• სისტემური პროგრამები: Unlocker, Free Hide Folders, Process Explorer NT, Advanced Systemcare Free, CCleaner, HashTab, DotNet Framework.
• დაცვა: Avira Antivirus Personal Free, COMODO Firewall Pro.
• ოფისი: Foxit Reader, Adobe Reader, DjVuLibre, Open Office v3.0.1.
• სხვა: MyPhoneExplorer, 7zip, Daemon Tools Lite, InfraRecorder, worldweb, VertrigoServ, Notepad++, Screen Print & Capture, Hamachi.

შეაფასეთ (IMG:style_emoticons/default/smile.gif)

პოსტის უკანასკნელი ჩამსწორებელია domen: Mar 29 2009, 09:26 PM