გვესაჭიროება მოდერატორი, მიმართვა Power_VANO-ს პარამეტრები

[gi0_kiborg]

მგონი სატაურით და გამოკითხვით ყველაფერს მიხვდებოდით....
როგორც იცით, ერთ ერთმა ჩვენმა მოდერმა domen-მა დაგვტოვა გარკვეული დროით,
შესაბამისად, ფორუმზე დაგვრჩა ერთადერთი მოქმედი მოდერი- Power_VANO,
მართალია, ის ჯერჯერობით ყველაფერს მშვენივრად უძღვება, თუმცა, ყველანი ადამიანები ვართ: ერთ ადამიანს, შეიძლება ისე აეწყოს სიტუაცია, რომ ვერ მოახერხოს ყველაფრის გაკონტროლება...
ამიტომ მიმაჩნია მას სჭირდება დამხმარე domen-ის დაბრუნებამდე ფორუმის (ყოველ შემთხვევაში ზოგ განყოფილბის) მართვის ამბავში,
პირველ რიგში თვითონ ვანოს აზრია რა თქმა უნდა გასათვალისწინებელი და გადამწყვეტი, მაგრამ მგონი ჩვენი აზრის ცოდნა არც მისთვის იქნებოდა ცუდი

მოკლედ, გთავაზობთ სავარაუდო მოდერობის კანდიდატურას:
ჯერ, სანამ დავასახელებდე, მაინც ვიტყვი, ჩემი აზრით რა პირობებს უნდა აკმაყოფილებდეს:
1. უნდა იყოს იმ საკითხებში ღრმად გარკვეული, რომელთა შესაბამის განყოფილებებსაც მოდერობ
2. უნდა იყოს ტაქტიანი და შეეძლოს გარკვეული და დასაბუთებული პასუხის გაცემა როგორც თავის მოქმედებებზე, ასევე სხვების შეკითხვებზე (ნუ ეს პირველშიც იგულისხმება)
3. უნდა ქონდეს საამისო ენთუზიაზმი
და:
4. ერთ-ერთი მთავარი: უნდა ჰქონდეს იმის დრო, რომ სულ მცირე დღეში 15-20 წუთით მაინც შემოიხედოს ფორუმზე

ყველაფერი ამის გათვალისწინებით, გთავაზობთ (სავარაუდო) კანდიდატად: otosaxel-ს

მგონი, ყველა დამეთანხმებით, ზემოთჩამოთვლილ პირობებს სრულიად პასუხობს....

მოკლედ, მაინტერესებს ყველას აზრი ამ საკითხზე

პოსტის უკანასკნელი ჩამსწორებელია gi0_kiborg: Jan 11 2010, 01:03 PM

[domen]

ცოტა არ იყოს, მეძინება და შეიძლება აზრიც ვერ ჩამოვაყალიბო მთლად გარკვეულად, მაგრამ ამ თემას გვერდს ვერ ავუვლი. (IMG:style_emoticons/default/smile.gif)

პირველ რიგში, მხარს ვუჭერ ჩემს შემცვლელს და მხოლოდ გლობალ მოდერის პოსტზე, ფორუმს ამ მომენტში მეტი არ სჭირდება.

მეორე - მოდერი არაა აუცილებელი ღრმად ერკვეოდეს რომელიმე ტექნიკურ საკითხში, არასწორი მიდგომაა (კარგი ცოდნა და სხვების დახმარების სურვილი არანაირ კავშირში არაა კარგ მოდერთან). საჭიროა მხოლოდ იმ დონის ცოდნა, რომ გაარკვიოს, რომელ თემაში რაა ოფტოპიკი და რომელი თემა რომელ განყოფილებას ეკუთვნის. (IMG:style_emoticons/default/smile.gif) ენთუზიაზმი ნამდვილად რაც მეტი, უკეთესია და დროზე ვერ დავეთანხმები კიბორგს - იანგარიშეთ მინიმუმ საათ-ნახევარი დღეში.

დავეთანხმები პლასტიკურს - ძალიან საჭიროა აზრის გადმოცემის უნარი და ობიექტურობა (სიმკაცრის საჭირო დოზით) ხომ თავისთავად. არ უნდა დაიშვას არცერთი გამონაკლისი დარღვევის გამოსწორება-დასჯისას სიზარმაცის ან ლოიალურობის გამო. მენდეთ, ეს ძნელია :–)

კიდევ ერთი შენიშნვა მსურველებს: მოდერობა ნამდვილად პრივილეგიაა, გარკვეულწილად ბერკეტიც თქვენი სასურველი კუთხით დაუშვათ ფორუმის განვითარება (უფრო თუ დავახურდავებთ, მოდერად არჩეულს ექნება საშუალება დაინახოს მომხმარებლების IP-ები, დამალული თემები და პოსტები და ა.შ.), მაგრამ ამან არ, მმ.. "შეგაცდინოთ", ძალიან გთხოვთ. პრივილეგიების უკან დგას ბევრად მეტი პასუხისმგებლობა და რუტინული, გარკვეული აზრით დაუფასებელი სამუშაოც - მოდერი მაშინაა კარგი, თუ მისი არსებობის შესახებ არავის ახსოვს :-) არჩევის შემდეგ პირველი ორი–სამი დღის შემდეგ, როცა ყველა ახალ კუნჭულს დაათვალიერებთ და მათით თამაში მოგყირჭდებათ, ეს პოსტი მძიმე მოვალეობად დაგაწვებათ. ვიმეორებ – მოდერის უფლებები ბეევრად ნაკლებია მის მოვალეობებზე, თუ სხვანაირად ხდება, მაშინ ის კარგი მოდერი არაა :–)

ამიტომ, თუ ვინმეს აქვს მოდერობის სურვილი, გთხოვთ დააფუძნეთ ის თქვენს ენთუზიაზმსა და კომპინფოს სიყვარულზე და არა ახალი სათამაშოს გაჩენის თუ სხვებზე აღმატების სურვილზე. ეს პოსტი ნამდვილად არაა სიამოვნების თუ გართობის წყარო :–)

რაც შეეხება ჩემს აზრს, დიდი სიამოვნებით ვიხილავდი plastic–ს ან gearge–ს გლობალ მოდერად. ჯერჯერობით სხვა აზრი არ მაქვს.