http://pix.ge, სერვ.ჯის ახალი პროექტი პარამეტრები

[zghuladze]

წარმოგიდგენთ საქართველოში ლიდერი ჰოსტინგ პროვაიდერ http://Serv.Ge -ს ახალ პროექტს, სურათების უფასო ჰოსტინგს http://www.pix.ge (aka http://pics.ge ; http://photos.ge ).
საქართველოში მსგავსი სერვისი, ანალოგიური მასშტაბებით, ჯერ არ განხორციელებულა. მიმდინარე მომენტისათვის სერვისის საიმედოობას უზრუნველყოფს 7 ცალი HP Proliant DL380 G5 სერვერი, თითოეული მათგანი 16 GB მეხსიერებით და 2 quad core x 2.5 GHz პროცესორებით, ხოლო საერთო დისკური სივრცე შეადგენს 28 TB, რაც საჭიროების შემთხვევაში, კიდევ გაიზრდება. pix.ge-ს ინფრასტრუქტურას აქვს 2 შეერთება ქართულ რესურსებამდე 1 გბ/წმ და 10გბ/წმ გამტარუნარიანობით და 75 მბ/წმ შეერთება გლობალურ რესურსებამდე.

სერვისის დეტალების შესახებ:

1. არ საჭიროებს რეგისტრაციას (თუმცა, რეგისტრირებული მომხმარებლებისათვის, არის დამატებითი სერვისები);
2. ფაილების ინახება განუსაზღვრელი ვადით. იმ შემთხვევაშიც კი, თუ თქვენს ფაილზე მიმართვა არასდროს განხორციელდა, ფაილი არ წაიშლება (დარეგისტრირებულ მომხმარებლებს აქვთ შესაძლებლობა, წაშალონ თავიანთ მიერ ატვირთული ფაილები);
3. შესაძლებელია JPG, PNG, GIF ან BMP ფაილების ატვირთვა. ანიმირებული GIF ფაილის ატვირთვის შემთხვევაში, ზომის ცვლილების დროს, ანიმაცია შენარჩუნებული იქნება;
4. ერთდროულად 5 ფაილის ატვირთვა, თითოეული ზომით მაქსიმუმ 5 მბ (დარეგისტრირებულ მომხმარებლებს შეუძლიათ ერთდროულად 10 ფაილის ატვირთვა);
5. სხვადასხვა ეფექტები ატვირთულ სურათებზე (დეტალურად იხილეთ საიტზე) და უდიდეს სოციალურ საიტზე — ფეისბუქზე პირდაპირ გამოქვეყნების საშუალება;
6. სურვილის შემთხვევაში, წარწერის გაკეთება ატვირთულ სურათებზე, ხოლო დარეგისტრირებული მომხარებლებისათვის — თქვენთვის სასურველი ტექსტის მითითება, რაც ავტომატურად გაუკეთდება თქვენს მიერ ატვირთულ ყველა სურათს;
7. განუსაზღვრელი რაოდენობით ალბომების შექმნა და პირდაპირი ბმული თითოეულ ალბომებზე;
8. თქვენს მიერ ატვირთული სურათები არ გამოჩნდება შემთხვევითი სურათების გვერდზე, თუ თქვენ სპეციალურად არ ჩაურთავთ ამ ფუნქციას.

გარდა ზემოთ ჩამოთვლილი და უკვე მოქმედი ფუნქციებისა, უახლოეს მომავალში სერვისს კიდევ რამდენიმე ფუნქცია დაემატება, რაც ისევ და ისევ მომხმარებლების კომფორტზე არის გათვლილი.

ვიმედოვნებთ, სერვისით სარგებლობა თქვენთვის მოხერხებული იქნება.

გისურვებთ წარმატებებს,
http://Serv.Ge -ს ადმინისტრაცია.

http://www.youtube.com/watch?v=jKLfL2Psr9o

[zghuladze]

სალამი.

წარმოიდგინე სიტუაცია, როცა მომხმარებელს ჭირდება ისეთი ზომის ფოტო, რომელიც ავტომატურ ჩამონათვალში ვერ იპოვნა.
მორჩა, დამთარვრდა წარმოდგენა

არ დამთავრებულა. მსგავსი რამეებისთვის არსებობს ფოტოშოპი. უკვე დავწერე, რომ ამ საიტზე არასდროს იქნება ფოტოშოპის აბსოლუტურად ყველა ფუნქცია. ხალხო, ეს არის იმიჯ ჰოსტინგი და არა სურათების ონლაინ ედიტორი. მომხმარებელს აქვს საშუალება, მოახდინოს ფოტოს ატვირთვა სერვერებზე და ისარგებლოს იმ ფუნქციებით, რომელსაც ვთავაზობთ. თუ ვინმეს ონლაინ ედიტორი ჭირდება, http://pixlr.com/app/
თქვენ ვერ დამანახეთ მე, რა საჭიროა custom size ფუნქციის დამატება. ტექნიკურად, მაგის გაკეთება ძალიან ადვილია, მაგრამ საჭიროებას ვერ ვხედავ. საწყენად არ ვამბობ, მაგრამ 2 მომხმარებლის სურვილი არ არის საკმაო საფუძველი იმისთვის, რომ საიტზე ფუნქცია დაემატოს.
გარდა ამისა, ზემოთ გარკვევით დავწერე :

გარდა ზემოთ ჩამოთვლილი და უკვე მოქმედი ფუნქციებისა, უახლოეს მომავალში სერვისს კიდევ რამდენიმე ფუნქცია დაემატება, რაც ისევ და ისევ მომხმარებლების კომფორტზე არის გათვლილი.

პირველად ვნახე წესებში მსგავსი სისულელე

ვფიქრობ, ცოტა უფრო მეტად კორექტულობა არ გაწყენდათ.

დაბოლოს, ფერს რაც შეეხება, ძალიან მიყვარს ეს ფერი, რომელიც დომინირებს საიტზე, მაგრამ აბა ერთი 30 წამზე მეტი უყურეთ საიტზე იგივე წესებს
ან რამდენიმე ფოტოს ატვირთვის პროცესს... და მერე სხვა ტაბზე გადადით, თუნდაც ფეისბუქზე, რამხელა კონტრასტი იქნება დაინახავთ და როგორი უარყოფითი ეფექტი ექნება ამას თვალებზე.

30 წამზე გაცილებით მეტი მიყურებია, მერწმუნეთ.
ვთქვათ შევცვალეთ ფერი და დავსვით ნებისმიერი ის, რომელიც თქვენთვის პირადად მისაღებია. ხვალ რომ სხვა მეტყვის ეს ფერი მე არ მომწონსო, ისევ უნდა შევცვალოთ ? თუ ფერების არჩევის საშუალება გავაკეთოთ საიტზე, ვისაც რა უნდა, იმ ფერის ბგ რომ დააყენოს ?
ზოგადად კი, არ არსებობს საიტი, რომელიც ყველას მოეწონება ფერის/დიზაინის მხრივ. მთავარია უმრავლესობას მოსწონდეს. აი ამაში კი, ვერ შემეკამათებით, რადგან უმრავლებას ნამდვილად მოსწონს.

davizo70
გააქტიურებულია.

maugli
Giga1

otosaxel -მა დაწერა ის, რასაც მე დავწერდი (IMG:style_emoticons/default/smile.gif) ამ საიტის პროგრამული უზრუნველყოფა თავიდან ბოლომდე, 0-იდან არის დაწერილი სპეციალურად pix.ge-სთვის. ეს არ არის ნაყიდი ან მოპარული სკრიპტი, როგორც ქართული იმიჯ ჰოსტინგების აბსოლუტური უმრავლესობა აკეთებს. გვადროვეთ ცოტა ბატონო (IMG:style_emoticons/default/smile.gif)

otosaxel გმადლობთ (IMG:style_emoticons/default/smile.gif)



Giena

იმიტომ, რომ მომხმარებელს თუ რაიმე აწუხებს უნდა დაეხმაროთ და შეეცადოთ ეს პრობლემა მოუხსნათ.

ცდებით ბატონო. ეს არის სერვისი, რომელსაც აბსოლუტურად უფასოდ ვაწოდებთ ჩვენს მომხმარებლებს. აქედან გამომდინარე, მოთხოვნა "მე ეს მინდა და შენ საიტზე უნდა დაამატო" უადგილოა. თუ ეს მოთხოვნა არ არის და უბრალოდ, კეთილი რჩევაა, კიდევ ვიმეორებ, დამარწმუნეთ რომ საჭიროა და დავამატებ, სხვანაირად როგორ ვთქვას ? ხვალ რომ ვინმემ დაწეროს, მინდა საიტზე იყოს სურათის PDF-ში კონვერტირების ფუქნციაო, რა ვქნათ, დავამატოთ მაშინვე ?

2. პასუხი, ფუნქცია სამწუხაროდ არ იგეგმება ნიშნავს მხოლოდ ერთს: "დავაი რა" და მომხმარებლებს როგორც წესი ეგეთი პასუხები არ მოსწონთ.

არანაირად. მე ყოველთვის ვფიქრობ იმას, რასაც ვამბობ. "დავაი რა" არავისთვის მიკადრებია, მითუმეტეს იმ მომხმარებლებისათვის, ვინც ჩვენს სერვისს იყენებენ.

3. ასეთ დამოკიდებულებას მოყვება ასეთი რეაქცია: ჩემი უზერი არის მანდ Giena და გთხოვთ წაშალოთ ბაზიდან, ტყუილად დაამძიმებს ბაზას მაინც აღარ გამოვიყენებ მაგ საიტს

მომხმარებლებს ბაზიდან არ ვშლით. საწყენია თუ საიტს არ გამოიყენებთ, მაგრამ ეს თქვენი გადასაწყვეტია, წარმატებებს გისურვებთ.

ეხლა რა მოხდება ისიც ვთქვათ, ადგებით წაშლით ამ მომხმარებელს და დაიკიდებთ იმას რა რჩევაც მოგცათ. მერე თუ სხვა მომხმარებელმა მოითხოვა მსგავსი ფუნქცია იმისაც წაშლით და მასთან ერთად ყველა მომხმარებელს ვინც ამას მოითხოვს, საბოლოო ჯამში კი საიტი გახდება მასებზე ორიენტირებული, რომელთაც სულ სირზე კიდიათ ზომების მითითება, რადგან ფორუმებზე ან სხვადასხვა საიტებზე ყრიან ფოტოებს. ვსო, მე ხმას აღარ ვიღებ

მომხმარებლებს, როგორც უკვე ვთქვი, ბაზიდან არ ვშლით. საიტის მიზანი კი ზუსტად ეს არის - გახდეს მასებზე ორიენტირებული.

მართლა ვწუხვარ, რომ ვერ გავუგეთ ერთმანეთს და კიდევ ერთხელ, გისურვებთ წარმატებებს.