BIOS თუ გქონიათ ასეთი შემთხვევა პარამეტრები

[cobalt]

ელემენტის ამოღების შემდეგ პარამეტრები კი არ განულდა, ბიოსი წაიშალა საერთოდ და მომიწია აღდგენა, დედაპლატა Albatron PX915-SLI, Award BIOS.

[cobalt]

მადლობ სოსო, წავიკითხე, მაგრამ ისეთი შთაბეჭდილება დამრჩა, რომ პრობლემას მაინც გვერდზე ჩავუქროლეთ.

პრობლემა შემდეგშია: ელემენტის ამოღებამ დამიზიანა ბიოსი, რაც წესით არ უნდა მომხდარიყო (მე ასე ვფიქრობ). რამდენად რეალურია ეს შემთხვევა ამის გარკვევა მინდა. ინტერნეტში მსგავს შემთხვევებზე ვერ ვნახე მასალა და თუ რაიმე ლოგიკასთან აქვს ამას კავშირი მინდა რომ მეც გავერკვე. სხვა თემაა ბიოსის აღდგენა, რომელიც რა თქმა უნდა შესაძლებელია და ეს გავაკეთე კიდეც ნაცადი ხერხებით, თუმცა ვეჭვობ, რომ ფლეშკის, CD ან Windows ვარიანტი ამ კონკრეტულ შემთხვევაში გამოგვადგეს, ანუ როცა დაზიანებულია BootBlock, ელემენტარულად როგორ შევარჩიო ჩამტვირთავად ფლეშკა? რამდენადაც ჩემთვისაა ცნობილი ერთადერთი მოწყობილობა რომელსაც შეუძლია გაუშვას სისტემა ეს არის ფლოპი, ან უნდა წავიღო ჩიპი პროგრამატორზე, ან გადავიტანო იგივე მოდელის გაშვებულ დედაზე და შენს მიერ მითითებული მეთოდებით აღვადგინო.

სულ თავიდან იყენებდნენ ROM ჩიპებს, სადაც მწარმოებელი წერდა ბიოსს და თუ დაგიზიანდებოდა უნდა გადაგეგდო თავის დედიკოანად, აღარ პროგრამირდებოდა;
შემდეგ გამოიყენეს PROM ჩიპები, რომელსაც ზემოდან ფორთოჩკა ჰქონდა და სპეციალური პროგრამატორებით ულტრაიისფერი სხივებით ახერხებდნენ გადაპროგრამებას;
მერე გამოჩნდა EPROM (ელექტრონულად პროგრამირებადი) ჩიპები, რომლებსაც პროგრამატორებით აპროგრამებდნენ;
დღეს კი ვიყენებთ FlashROM ჩიპებს, რომელთა გადაპროგრამება შესაძლებელია უშუალოდ კომპიუტერიდან, რომელიმე ზემოთ განხილული მეთოდით.