Linux, ისტორია პარამეტრები

[domen]

იქნებ ამიხსნათ ვინმემ, როდის შეიქმნა ლინუქსი, რამდენნაირი არსებობს, რომელს რა უპირატესობა აქვს, გრაფიკული გარსები და მათი უპირატესობები და რაც გამომრჩა ყველაფერი (IMG:style_emoticons/default/smile.gif)

მოკლედ, ვინც რამე იცით, აქეთ, აქეთ! (IMG:style_emoticons/default/smile.gif)

[gearge]

ეგ ლინუს ტორვალდსს კითხე, ეგ არი მათი მამა-მარჩენალი

არა giorgius, "ეგენი" ყველა თავისი ცხოვრებით ცხოვრობენ. ამ მომენტისთვის ტორვალდსი მხოლოდ SELinux-ის ბირთვის გაუმჯობესებაზე მუშაობს. უბრალოდ უშუალოდ ბირთვში შეტანილი ყველა ცვლილება აუცილებლად უნდა იქნეს განხილული ლინუსის მიერ. ის არ არის Linux-ის მფლობელი ამ სიტყვების ტრადიციული გაგებით, მაგრამ მას ეკუთვნის ავტორის უფლებები სახელზე და ბოლო სიტყვა ყოველი ახალი ვერსიის კომპონენტების შერჩევისას.

და თემის შესაბამისად ორიოდე სიტყვა იმაზე თუ როგორ დაიწყო ეს ყველაფერი (განხილვის დაწყების საუკეთესო გზაა, თავიდან დაწყება (IMG:style_emoticons/default/smile.gif) :
Linux-ის ბირთვის როგორც პროექტის განვითარება დაიწყო ჰელსინკის უნივერსიტეტში (ფინეთი) 1991 წელს, როცა გამოთვლითი ტექნიკის ფაკულტეტის სტუდენტმა, ლინუს ტორვალდსმა გამოაქვეყნა ბირთვის 'source' (საწყისი) კოდი ინტერნეტში. შექმნილი Minix-ის (ოპერაციულ სისტემა Unix-ის სასწავლო, მსუბუქი ვერსიის) გავლენით (მაგრამ არა ბაზაზე), Linux-მა სწრაფად მოიხვეჭა პოპულარობა და ათასობით პროგრამისტი მიიზიდა.

Linux-ი ვრცელდებოდა (და ვრცელდება) GNU General Public License (GPL) ლიცენზიით, რომელშიც ნათქვამია რომ უფასო პროგრამული უზრუნველყოფა უნდა რჩებოდეს უფასოდ (მესმის პარადოქსულად ისმის, მაგრამ გააზრებისთვის საკმარისია ცოტა ჩაუკვირდეთ) და ნებისმიერი პროგრამა რომელშიც გამოიყენება GPL 'source' კოდი აგრეთვე უნდა ვრცელდებოდეს უფასოდ.

Linux-ი GNU პროექტის ნაწილი გახდა 1992 წელს. თვით GNU ჩაისახა მე-20 საუკუნის 80-იანი წლების დასაწყისში, როცა მასაჩუსეცის ტექნოლოგიური ინსტიტუტის წამყვანმა თანამშრომელმა, რიჩარდ სტოლმანმა აღმოაჩინა რომ პროგრამა-ტექნიკურმა კომპანიებმა დაიწყეს პროგრამების 'source' კოდის ინტელექტუალურ საკუთრებად გამოცხადება და მათი ლიცენზიით დაცვა. სტოლმანი თვლიდა რომ კარგი იდეები მისაწვდომი უნდა ყოფილიყო ყველა პროგრამისტისთვის, ამიტომ ჩამოაყალიბა პროექტი GNU (რეკურსიული აკრონიმი "GNU's Not Unix"-იდან) მიძღვნილი უფასო და განახლებადი პროგრამული უზრუნველყოფის უფრო წარმატებით გავრცელებას.

ამ მომენტისთვის არსებობს მოხმარებისთვის გამზადებული Linux ვერსიების (ანუ დისტრიბუტივების (IMG:style_emoticons/default/wink.gif) უზარმაზარი რაოდენობა. აი ყველაზე პოპულარულთა სია (აწყობილია პოსტ #6-ის მიხედვით, ოღონდ პატარა ჩასწორებებით. Frrrredo-ს კი ვთხოვ მაპატიოს, უბრალოდ ასე უფრო კორექტული იქნება):

Red Hat; Fedora Core - Fedora Project დაარსებულია და ვითარდება კომპანია Red Hat-ის მხარდაჭერით. გამოიყენება ექსპერიმენტალურ პლათფორმად, რომელზეც ხდება მოწინავე ტექნოლოგიების გამოცდა, რომლებიც თავისმხრივ საბოლოოდ Red Hat Linux-ში გადააქვთ.

SuSE; OpenSuSE; (განმარტებას არ საჭიროებს, მიიღეთ როგორც უბრალოდ სრულყოფილი OS-ი :-)

Debian - Debian GNU/Linux ეს არის ჭეშმარიტად GNU პროექტი! გვთავაზობს 15 ათასზე მეტ წინასწარ კომპილირებულ პროგრამულ პაკეტს. მიუხედავად იმისა რომ მარტივს მოხმარების მხრივ მას ვერ უწოდებ, ის უთუოდ წარმოადგენს ერთერთ ყველაზე ამომწურავ Linux გადაწყვეტილებას.

Mandrake; Mandriva - (წარსულში Mandrakelinux) ეს არის ინოვაციური პროდუქტი არა მარტო ტექნიკური არამედ მარკეტოლოგიური (კარგი გაგებით) კუთხითაც. აქ საქმე გვაქვს როგორც ახალ სახელთან ისე ახალი რელიზების გამოსვლის ერთ წლიან ციკლთან და რათქმაუნდა ახალ ტექნოლოგიებთან - კონკრეტულად კომპანიებისგან Conectiva და Lycoris (Mandrake+Conectiva=?-). დისტრიბუტივი ოდითგანვე განთქმულია კონფიგურირების გრაფიკული უტილიტებით, რომლებიც ითვლებიან ოქროს სტანდარტად ლინუქს ოჯახში.

Slakware; (ნათქვამია: თუ იცი Slakware, იცი Linux-ი. თუ იცი Fedora, იცი Red Hat-ი !-)

(K)Ubuntu - დაფუძნებულია Debian-ზე (უფრო ზუსტათ კი მისი ერთერთი განხრათაგანია, მაგრამ სრულად თავსებადი). პატარაა (ოფტიმიზირებულია 1CD-ზე დაეტიოს), მარტივია გამოყენებაში და განახლდება ყოველ ნახევარ წელიწადში ერთხელ. სულ ეს არის (IMG:style_emoticons/default/cool.gif) ჰო და პოპულარიზაციის უნიკალური გზა: უფასო "დისროს" 'free shipping'. [რისთვის დიდი მადლობა..!]

Gentoo - ეს არის ლინუქს 'პაზლი' (IMG:style_emoticons/default/biggrin.gif) . დისტრიბუტივი GNU/Linux, რომელიც ვრცელდება 'source' კოდის სახით. ანუ გათვლილია პროფესიონალ მომხმარებლებზე, რომლებიც ამ კოდიდან თავისი ხელით დააკომპილირებენ OS-ს და პროგრამულ უზრუნველყოფას. შედეგად სისტემა კონფიგურირდება სწრაფად და სრულფასოვნად.

Knoppix - სრულფასოვანი ჩამტვირთავი CD, GNU/Linux პროგრამული უზრუნველყოფით. გამოირჩევა დიდი რაოდენობის აპარატურის მხარდაჭერით და შეიძლება გამოყენებულ იქნეს ექსპერიმენტალურ ან დემონსტრაციულ ლინუქს ვერსიად. საჭიროების შემთხვევაში კი უპრობლემოდ შეიძლება მისი მყარ დისკზე ინსტალაციაც.

Xandros - შუალედი Linux XP-სა (გირჩევდით ცხოვრებაში არ მიეკაროთ ამ მარკეტოლოგების მორიგ სიცრუეს) და Win XP-ს შორის (იგივე ვრცელდება მასზეც) (IMG:style_emoticons/default/laugh.gif) . გამოირჩევა კომპაქტური ზომით, საკუთარი ინტერფეისით და მასზე Windows-იდან მიგრაციის უაღრესი მოსახერხებლობით & სიმარტივით. გამოყენებულია Debian-ის ბირთვი.

To be continued..

პოსტის უკანასკნელი ჩამსწორებელია Power_VANO: Jan 18 2008, 07:15 AM