bat ბრძანებები პარამეტრები

[dato86]

გთხოვთ აქ დაწეროთ BAT ბრძანებები ვინც რა იცით. წინასწარ დიდი მადლობა.

[domen]

dato86
მოდი, ერთ რჩევას მოგცემ, მეგობრულად..

თუ მართლა გინდა კომპ-სამყაროში რამის ღრმად სწავლა, როგორც მინიმუმ, რუსული მაინც უნდა იცოდე(საყველპურო მაინც (IMG:style_emoticons/default/smile.gif) ). იმიტომ, რომ ქართულ ენაზე სახელმძღვანელოები იმდენად მცირე რაოდენობის და უხარისხოა, რომ შეგვიძლია ვთქვათ, რომ არც არსებობს. და მცოდნე მომხმარებლებში კი თუ გამოჩნდა ვინმე, ვისაც ახსნის სურვილი და დრო ექნება, ყველაფერში მაინც ვერ გაგარკვევს. შესაბამისად, გექნება ძალიან ზედაპირული ცოდნა, რაც ჩვეულებრივ სამომხმარებლო ინტერფეისში არც იგრძნობა(იქ ყველაფერი ძალიან მარტივია), ტექსტურ ინტერფეისში კი იმდენად მტკივნეულია, რომ შეიძლება სწავლის სურვილიც გაგიქროს.

მითუმეტეს, რომ დღეს უკვე არსებობს უსასრულო რაოდენობის მეტ-ნაკლებად კარგი მთარგმნელები და ჩვენდა სასიხარულოდ შეგვიძლია ვთქვათ, რომ ასეთის შექმნის მცდელობები ქართველებსაც გვაქვს(იხილე). ამიტომაც, ვფიქრობ, ენის არცოდნა ნამდვილი მონდომების შემთხვევაში დიდს ვერაფერს დაგაკლებს. და თუ არ გინდა - მაშინ ჯობს ჯერჯერობით დაანებო თავი ჩხირკედელაობას და ეგ საქმე ქართველი ენთუზიასტი მთარგმნელების გამოჩენამდე გადადო(ასეთებს კი, მე პირადად, 2-3 წელი ნამდვილად არ ველოდები).

და ესეც იცოდე - საუკეთესო პასუხს კითხვაზე, თუ მასწავლებელი ფიზიკურად არ გყავს, საძიებო სისტემების მეტი ვერაფერი იძლევა. ისინი კი, სამწუხაროდ, სრულყოფილად ჯერ მხოლოდ ინგლისურ ენაზე იძლევა ინფორმაციას.

წარმატებას გისურვებ!

პოსტის უკანასკნელი ჩამსწორებელია domen: Apr 28 2007, 09:13 AM