XO OLPC ჩვენს სკოლებში, ყველა პირველკლასელს!, კარგი ახალი ამბავი პარამეტრები

[Power_VANO]

მოკლედ, ახლა ვნახე სიუჟეტი, მთავრობის გასვლითი სხდომის.

რაც ვნახე საინტერესო, ისაა, რომ ახალი სასწავლო წლიდან პირველკლასელ მოსწავლეებს წიგნების პაკეტის ნაცვლად დაურიგებენ ნეტტოპებს საჩუქრად, რომლებშიც იქნება ჩატვირთული სახელმძღვანელოები.

აი ლინკი სიუჟეტზე: http://www.myvideo.ge/?act=dvr&chan=im...04-2010%2020:33
ნუ იგივე სიუჟეტი იყო სხვა არხებზეც.


ნეტტოპი, რაც მაგ სიუჟეტში ჩანს, 100%-ით არის აშკარად XO OLPC.
რაც მთავარია, გარდა იმისა, რომ ზოგადად კომპების დარიგება ძალიან კარგია მოსწავლეებისთვის, თან ყველასთვის და თან საჩუქრად, კარგია ისიც, რომ ეს XO OLPC საკმაოდ კარგი კომპია, პირველკლასელისთვის განსაკუთრებით.



მოკლედ, 1-2 დღის მანძილზე იქნებ კიდევ შევაგროვოთ ინფო ამ ახალი კარგი ამბის შესახებ, იქნებ თქვენ იცოდეთ მეტი (ვთქვათ რომელი რევიზიის XO OLPC-ები რიგდება, 1.0 თუ 1.5) და მერე ნიუსადაც გავუშვებ (IMG:style_emoticons/default/smile.gif)

ჰო, + კარგია რომ ზოგადად XO OLPC აირჩა პირველკლასელებისთვის. კონკურენტი Intel Classmate PC გაცილებით "ნავაროჩენია" და ცოტა ძვირიც ღირს, ეგ ცოტა უფრო მაღალი კლასის მოსწავლეებისთვის იქნება უკეთესი, ვთქვათ ესე მე-5 კლასიდან კლასმეიტ პისი გაასწორებდა IMO. XO OLPC პირველკლასელებისთვის აშკარად კარგი არჩევანია, უბრალოდ აი ძალიან მაინტერესებს 1.0-ა თუ 1.5 რევიზიის ეგ კომპები (IMG:style_emoticons/default/smile.gif)

ესეც მცირე ფოტოგალერეა:

(IMG:http://www.compinfo.ge/power_vano/images/xo_olpc_school/1.jpg)

(IMG:http://www.compinfo.ge/power_vano/images/xo_olpc_school/2.jpg)

(IMG:http://www.compinfo.ge/power_vano/images/xo_olpc_school/3.jpg)

(IMG:http://www.compinfo.ge/power_vano/images/xo_olpc_school/4.jpg)

(IMG:http://www.compinfo.ge/power_vano/images/xo_olpc_school/5.jpg)

[Power_VANO]

Giga1

მასიური კომპიუტერიზაციის პროცესი იქნებაო,რომ იძახი,ეს რა თქმა უნდა კარგია,მაგრამ არა სწავლის მხრივ.ტექნოლოგია მეტნაკლებად უნდა ერეოდეს სწავლაში (ინფორმატიკის დონეზე) და არა ისე რომ წიგნები კომპიუტერებმა შეცვალონ

წიგნის კომპით შეცვლა არც უნდა იყოს ამ კომპების დარიგების მიზანი. მაგრამ ვერ დაგეთანხმები, რომ სკოლაში კომპი მხოლოდ ინფორმატიკის დონეზე უნდა იყოს საჭირო და ისწავლებოდეს. გაცილებით მეტია საჭირო, გაცილებით მაღალ დონეზე სწავლება და კომპის მოსწავლეების რეალურ ცხოვრებაში ჩართვა. რატომ? იმიტომ რომ უნივერსიტეტში უკვე კომპი ძალიან აქტიურად დასჭირდებათ, თითქმის ყოველდღე. და აღმოაჩენენე მერე ეს ბავშვები, რომ თურმე Word-ი არ იციან. რომ თურმე გვერდების დანომვრისთვის ციფრებს გვერდის ბოლოში სვამენ, მერე კი როცა რამეს ჩაასწორებენ ნაშრომში, ეს "დანომვრა" ერევათ. აღმოაჩენენ, რომ "პრობელით" აბზაცების გამოყოფა ძალიან ცუდია და ა.შ. პირადად ნანახი მაქვს და ვხედავ უამრავ ასეთ ნაშრომს, რომლის ავტორმა უბრალოდ არ იცის როგორ კეთდება ვორდში გვერდების დანომვრა, აბზაცების გამოყოფა, ხაზებს შორის დაშორების რეგულირება, სქოლიო... ხომ უმარტივესი რაღაცებია? მაგრამ არ იციან და ცდილობენ იოლი გზა ნახონ იგივე "პრობელებით", "ენტერებით" და ა.შ.

გასაგებია რომ შენ იცი, მე ვიცი, დომენმა იცის, ჩვენი ფორუმის წევრების უმეტესობამ იცის, მაგრამ რეალურად რომ ვუყურებ სიტუაციას, აბსოლუტურმა უმრავლესობამ ეს ყველაფერი არ იცის. თან აქ არაა საუბარი მარტო ვორდზე, იგივე ვინდოუსის ნორმალური ცოდნაც აუცილებელია, ბროუზერისაც უნდა გესმოდეს, მეილსაც უნდა ხმარობდე ნორმალურად და ა.შ.

ჰოდა ვფიქრობ, რომ რაც უფრო ადრინდელი ასაკიდან დაიწყება ბავშვის კომპ. განათლება, მით უკეთესია. + ის რომ ბავშვს კომპს აძლევენ, იმას ხომ არ ნიშნავს, რომ ბოდიშით და პამპერსივით ატარებს? მშობელი ჰყავს იმ ბავშვს და გააკონტროლებს (წინასწარ შევთანხმდეთ იმაზე, რომ მშობელი შვილის ჯანმრთელობაზე უნდა ზრუნავდეს და ზრუნავს (IMG:style_emoticons/default/biggrin.gif) ).

+ მეზობელ ფორუმზე (oc.ge) გამოითქვა საინტერესო მოსაზრებაც:

აუ ისეთი კომენტარები წავიკითხე თითქოს წიგნები ხელიდან გამოგვტაცეს გეყოფათ ამდენი სწავლაო (IMG:style_emoticons/default/biggrin.gif)

მე მიმაჩნია, რომ ბავშვი თუ თავიდანვე შეეჩვევა კომპს, მერე და მერე აღარ გახდება ე/წ კომპის "ხამი" და უფრო რაცინალურად გამოიყენებს მას.
ჩინეთში კიდევ მასიურადაა მოდებული და ერთერთი მთავარი მიზეზი ისაა, რომ იქ იწყობა ძირითადად ესეთი მინი ნეტტოპები და ფასი გაცილებით დაბალია ვიდრე სხვაგან.

XP და ქაუნთერი დაივიწყეთ ამ ნეტტოპზე, ფედორასტი ლინუქსი აყენია, sugar UI-თ ბავშვებმა რომ ადვილად აღიქვან სიმბოლოებიანი გრაფიკა

აგერ ნახეთ და თავად განსაჯეთ
[media]http://www.youtube.com/watch?v=T40RG2FqjOc[/media]

გაბოლდებულ ნაწილს მეც ვეთანხმები ორივე ხელით. მე პირადად ოჯახში კომპი სადღაც 9 წლის წინ გამიჩნდა მგონი, თუ არ ვცდები, ნუ +-1 წელი. მანამდე კომპთან ურთიერთობა მხოლოდ 3-4-ჯერ თუ მქონდა, ისიც თამაშების დონეზე (პატარა ვიყავი მაშინ, 10 წლის მიახლოებით). და ვინ იცის, რამდენი დღე გამიტარებია ჩემს სახლის კომპთან რაღაც ენით აუწერელი ინტერესის გამო ამ ოთხკუთხა ყუთის მიმართ (IMG:style_emoticons/default/smile.gif) ხო, შეიძლება კომპის "ხამობაც" ვუწოდო იმას, მაგრამ ახალი ხილი იყო, ვეებერთელა ინტერესი მქონდა და უამრავ დროს ვუთმობდი კომპს. ახლა უფრო რაციონალურად ვიყენებ ნამდვილად (IMG:style_emoticons/default/smile.gif)

დარწმუნებული ვარ, თქვენი უმეტესობაც ასევეა.


domen
ნამდვილად არის შენს პოსტში მშვენიერი არგუმენტები, გეთანხმები მეც რაღაცმხრივ, მაგრამ იმის გამო, რომ მინდა ეს თემა სადისკუსიოდაც გამოვიყენოთ და ზოგადადაც ვისაუბროთ ამ პროექტზე, რომ სანამ რეალურად განხორციელდება, უმეტესი ინფო და შეფასებები სახეზე გვქონდეს, ამიტომ "კონტრარგუმენტებიც" უნდა წამოვაყენო (IMG:style_emoticons/default/smile.gif)

ლეპტოპების დარიგება იზოლირებულად რომ განვიხილოთ, სპეციალისტი არ ვარ და არგუმენტად არ ვიყენებ, მაგრამ პროფესიონალი ექიმებისგან გამიგია, პატარა ბავშვისთვის დიდხანს ეკრანთან ჯდომა არ შეიძლებაო. მეორეც - ვითომ მარტო კითხვისთვის გამოიყენებენ ბავშვები ლეპტოპს? აი, ვთქვათ, Kindle-ები ან რამე მსგავსი დაერიგებინათ, სწავლის კუთხით (ტექნიკურად შეუძლებელია ასეთი მოწყობილობით კითხვის გარდა რამეს გაკეთება და თვალებისთვისაც უკეთესია) ნამდვილად მეტად გამართლებული იქნებოდა. არც ფასი იქნებოდა დიდად განსხვავებული.

პატარა ბავშვისთვის კი არა, ჩვენთვისაც არ შეიძლება, აგერ მე და შენ პრაქტიკულადაც გამოცდილი გვაქვს (IMG:style_emoticons/default/smile.gif)
უბრალოდ, იგივე მშობლის ფაქტორს მოვიშველიებ და სკოლაში მასწავლებლის ფაქტორს, რომლებმა უნდა აკონტროლონ ბავშვების კომპთან ურთიერთობის ხანგრძლივობა. ანუ სიტყვაზე სახლში ამას მშობელი გააკეთებს, სკოლაში კი მასწავლებელი ხომ არ დაჯდება და უყურებს, როგორ იყურებიან მთელი დღე მოსწავლეები კომპებში, რაცხა სათქმელი იმასაც ხომ აქვს (IMG:style_emoticons/default/biggrin.gif)
მოკლედ, IMHO არ უნდა იყოს რთული ბავშვების მაგ მხრივ გაკონტროლება, პირველკლასელების მით უმეტეს.

აი რაც შეეხება რისთვის გამოიყენებენ ბავშვები ლეპებს, როგორც გავიგე, XO-ზე ფედორაა ჩაწერილი Sugar UI-თი. ახლა ვერცერთი დაწყებითი კლასის მოსწავლე ფედორაზე თამაშებს ვერ ჩაწერს და იმედი ვიქონიოთ, რომ უაზრო და დროის გასაყვანი თამაშები თან არ მოჰყვება მაგ კომპებს.

ცოტა ზოგადად რომ შევხედოთ - არავის არ ვახვევ თავზე, ჩემი მოსაზრებაა - განათლების სისტემა ჭაობშია. მასწავლებლები არაფერში ვარგიან - სპეციალურ ფსიქოლოგიურ მომზადებას თავი დავანებოთ, საკუთარი საგანი არ იციან; სკოლებში სიტუაცია კრიმინალურისკენ მიდის, ეგ ლეპტოპები იქნებ და მეორე დღეს აახიონ ბავშვებს უფროსმა ბიჭებმა; და ბოლოს, მახსოვს, ერთხელ როგორღაც ჩამივარდა ხელში სტატისტიკა - სკოლები ვერ იღებენ პროფესიონალ მასწავლებლებს და პედაგოგიური სასწავლებლები ძალიან ცოტაა, ანუ ჯერჯერობით ახლანდელი მასწავლებლების პროფესიონალებით ჩანაცვლების პროცესის დასაწყისის დასაწყისიც კი არ დაწყებულა. ამასობაში კი გამოდის პრეზიდენტი და აცხადებს, რომ ვურიგებთ ბავშვებს $200-იან ლეპტოპებს, როცა წიგნები მაგის ნახევარიც არ დაჯდებოდა. კითხვა - არასწორი მიმართულებით ხომ არაა მიპყრობილი განათლების სამინისტროს ყურადღება და ფინანსები?

გეთანხმები, ჩვენ დროს დაწყებულმა რეფორმებმა არ გაამართლა, სისტემა ჭაობშია. მასწავლებლების უმეტესობაც ნამდვილად ვერ "ქაჩავს".
აი ფინანსების მიმართულებას რაც შეეხება, რა დასამალია, ამ გადამზადების და მასწ-ების მომზადების პროგრამებისა მე არაფერი ვიცი, მაგრამ ამ OLPC-ებს ვუყურებ, როგორც "ინვესტიციას" რომელიც ბავშვს გამოადგება მინიმუმ 5-7 წელი მაინც (წიგნს კი მხოლოდ 1 წელი ისწავლიდა, არც მეტი, არც ნაკლები). აბსოლუტურად საკმარისია XO OLPC-ს დონის კომპი მე-5 და ალბათ მე-7 კლასელისთვისაც.
თუმცა, აშკარაა, რომ მხოლოდ Sugar UI და პიქტოგრამები ვერ გვიშველიან და ვიღაცამ უნდა ასწავლოს კომპების მოხმარება ბავშვებს (მინიმუმ ჩართვა-გამორთვა ხომ უნდა იმ კომპს?). იმედია მინიმუმ დაწყებითი კლასების მასწავლებლების გადამზადებაზე იზრუნებენ, რომ OLPC-ს სამართავი კომპ. ცოდნა მაინც მისცენ მასწ-ებს.

რაც შეეხება იმ მოსაზრებას, რომ ოჯახებს არ აქვთ შესაძლებლობა კომპიუტერების შეძენის და ამით კარგია ეს აქცია, ბოდიში ვანო და უაზრობად მეჩვენება :-) თუ ოჯახს იმდენი შემოსავალი არ აქვს სტაბილურად, რომ რამე ნახმარი კომპი იყიდოს ვთქვათ, 200 ლარად, მაშინ დიდი შანსია, რომ ეგეთ ოჯახს მორიგი ფინანსური შეჭირვებისას ამ ლეპტოპის გაყიდვაც მოუწევს. არც ინტერნეტის ჩართვის შესაძლებლობა ექნება ბევრს - თბილისში ეგეთი გაჭირვებული არ მეგულება და რაიონებში ეგეთები ინტერნეტის გადასახადსაც ვერ გადაიხდიან. ან მერე ესე ხელოვნურად გამოწვეული "კომპიუტერიზაცია" კონკრეტულად რას და რას უწყობს ხელს? – მე ვერ ვხვდები.

მართალი ხარ ნამდვილად, მაგრამ დამეთანხმე იმაში, რომ ის 200 ლარად ნაყიდი ნახმარი კომპი 200-250 ვატ ელ-ენერგიას მოიხმარს ყოველ საათში და თავის 200 ლარიან ღირებულებას საკმაოდ სწრაფად და მუდმივად გაზრდის, მაშინ როცა ეს OLPC იქნება წყნარად თავისთვის.

არ გეგონოს რომ რაღაც იდეალისტურად ვუყურებ ამ პროექტს და მჯერა რომ ყველა OLPC-ს ადრესატი ოჯახი დიდი ენთუზიაზმით აიტაცებს იდეას. პირიქით, დარწმუნებულიც ვარ, ამ პროექტის შედეგად საკმაოდ ბევრი OLPC გასაყიდად გამოვა (IMG:style_emoticons/default/smile.gif) ისევე, როგორც მოხდა Eee PC-ებზე, ოღონდ ამ შემთხვევაში მასშტაბები გაცილებით დიდი გვექნება.


სხვა მხრივ, ისიც რეალურია და ფაქტია, რომ ამ კომპების შეძენა ვიღაცის და რაღაცის ხარჯზე მოხდა და ეს კომპრომისია გასამართლებელი. ალბათ ჩვენს ხარჯზეც, ვალის აღების ხარჯზეც, რაღაცისთვსი ფულის მოკლების ხარჯზე და ა.შ.
თუ მართლა ეს ხარჯი იქნება "ინვესტიცია" ამ ბავშვებისთვის, რომელსაც რამდენიმე წლის განმავლობაში გამოიყნებენ, ალბათ გამართლებული ხარჯი იქნება, ალბათ (IMხO).

ისე, რამდენი პირველკლასელია ხოლმე ყოველწლიურად არის სადმე სტატისტიკა? მიახლოებითი ხარჯი რომ ვიცოდეთ, რაც ამ კომპებზე იქნება გაწეული.

ჰო, ესეც Sugar UI, oc.ge-ზე დადებული ვიდეო: