თემის საბეჭდი ვერსია

პოსტის ავტორი: gearge Aug 27 2008, 03:49 PM

მინდა შემოგთავაზოთ იდეა რომლზეც დიდი ხანია ვფიქრობ(თ), მაგრამ იმ სახით რა სახითაც ვაპირებ შემოგთავაზოთ, ყველაზე რეალურია განხორციელდეს. რათქმაუნდა ეს ტექსტი პირველ რიგში კომპინფოს ძირეულ ადმინისტრატორ Ja_Ja-სთვის არის გამიზნული, მაგრამ მის პირდაპირ მიმართვისგან თავს შევიკავებ რადგან ზუსტად თქვენი(!) კომპინფის აქტიური მომხარებლების გადასაწყვეტია ყველაფერ ქვემოთთქმულს განხორციელება უწერია თუ არა! მე ვსაუბრობ და ალბათ სათაურიდანაც მიხვდებოდით, კომპინფოს ბაზაზე ვიკის შექმნაზე! ტექნიკურ დეტალებზე გადასვლამდე, უნდა გითხრათ რატომ მიმაჩნია რომ კომპინფოს სჭირდება ვიკი საიტი და კონკრეტულად რას ვგულისხმობ მის ქვეშ. რატომ ვიკი? ვიკი (მაგალითისთვის აიღეთ ვიკიპედია) ვებ საიტის მართვის ღია სისტემაა, რომელსაც მინიმუმამდე დაჰყავს (მაგრამ არ გამორიცხავს) მართვის "ბიუროკრატიას". რა კავშირშია ეს კომპინფოსთან? "ბიუროკრატია" ამ შემთხვევაში უხეშად გამოყენებული სიტყვაა, უფრო სწორი იქნებოდა მეთქვა "ერთპიროვნული მართვის სისტემა რომელიც გარკვეული მიზეზების გამო ამუხრუჭებს განვითარებას" კომპინფოს არსებული ხედვის მიხედვით, საიტზე ნებისმიერი ცვლილების შეტანის ძალა მხოლოდ ერთ ადამიანს აქვს. ეს გულისხმობს როგორც საიტის მართვის ტექნიკურ დეტალებს, ასევე ნებისმიერი ახალი მასალის დამატების საკითხებსაც. ერთისმხრი ეს სრულიად გასაგებია, საიტის შემქმნელს არ სურს გაუფილტრავი, დაუსრულებელი და/ან არაფორმატირებული ინფორმაცია მოხვდეს საიტზე, მეორესმხრივ ეს გულისხმობს რომ საიტის ადმინისტრატორს უნდა ჰქონდეს საკმარისი თავისუფალი დრო საიტის სათანადოდ მართვისთვის, ძვირფასი დრო რომელიც ბატონ Ja_Ja-ს სამწუხაროდ არ აქვს! ამავდროულად უნდა გვესმოდეს რომ ძნელია საკუთარი ქმნილების/პირმშოს ასეთ დონეზე მართვა გადასცე სხვა პირს ან პირებს, რამდენადაც არ უნდა ენდობოდე/იცნობდე მათ: როგორც მინიმუმ ადამიანების გემოვნება, ხედვა განსხვავდება. ამიტომ ალბათ უსამართლო იქნებოდა რაიმე რევოლუციური ცვლილება გვეთხოვა ჯა_ჯა-სგან, მაგრამ კომპინფოს საიტის განვითარება-წინსვლისთვის გარკვეული გაუმჯობესებები აუცილებელია მოხდეს! ამიტომ domen-სა Power_Vano-სთან ერთად გთავაზობთ შემდეგს:

* არსებული საიტი რაიმე სახით გამოეყოს კომპინფოს (ქვედომენზე ან გამოყოფილ საქაღალდეში)

თუ გვსურს ძველი საიტის შენარჩუნება (ამისთვის მრავალი მიზეზი შეიძლება იყოს, მათ შორის რომანტიკულიც:-) საჭირო იქნება ეს ნაბიჯი გადაიდგას!

* შემუშავდეს ახალ საიტი, უფრო მძლავრ ძრავაზე. არჩევანი შეჩერდა ჯუმლაზე.

რატომ http://www.joomla.org/? ის ერთ-ერთი საუკეთესო ვებ საიტის მართვის სისტემაა, როგორც მოქნილობით, ასევე გაფართოებადობით. დომენმა თავის თავზე აიღო ახალი კომპინფოს ვებ საიტის მომზადება და უკვე ეხლა მუშაობს მასზე! ის მალე წარმოგვიდგენს მას და ყველას გვექნება საშუალება აქ, ამ თემაში მივიღოთ მონაწილეობა ამ ახალი ვებ საიტის განხილვაში! ნებისმიერი კომენტარი ყურადღებით განიხილება!

საერთოდ რატომ უნდა შეიცვალოს კომპინფოს საიტი? ამის ერთ ერთი მიზეზის შესახებ როგორც დომენმა, ასევე მე ჯერკიდევ 2007 წლის სექტემბერში (ანუ ერთი წლის წინ) დავწერეთ საერთო ფორუმის თემაში “დროა, ჩვენც გავაკეთოთ რამე კომპინფოსთვის”:

".. ვაღიარებ, კატეგორიებად დაყოფა ნამდვილად მოიკოჭლებს სამწუხაროდ, ჯაჯას ჯერ არ სცალია, რომ ცოტა დაწვრილებით დაყოს ან ერთი-ორი კატეგორია დაამატოს, იმედია, მალე უფრო მოხერხებული სისტემა იქნება"

"მართლაც, კომპინფოზე მასალების უხილავი კლასიფიკაცია მოუხერხებელი და დამაბნეველია. არსებული დაყოფა (Soft News, Hard News, Warez) არასაკმარისია. ინფორმაციის მასაში საჭირო ინფოს პოვნის ერთადერთი რეალური გზა ძიების სისტემაა, რომელიც თავისმხრივ სასურველ შედეგს იძლევა მხოლოდ სწორად შერჩეული საძიებო სიტყვის (სიტყვათა) შეყვანის შემთხვევაში. ამის გაკეთება გამოუცდელი მომხმარებლისთვის ძალიან რთულია. ამიტომ (და არა მარტო) გთავაზობთ დავეხმაროთ compinfo.ge-ს ადმინისტრაციას შეძლებისდაგვარად განავრცონ არსებული დაყოფა კატალოგიზაციით .."

ყველაფერი ღირებული (სტატიები, მნიშვნელოვანი სიახლეები, მაღაზია და ა.შ.) გადმოკოპირდევბა ახალ, გაუმჯობესებულ საიტზე. ძველი საიტი დაარქივდება!

* კომპინფოს დაემატოს ახალი ქვედომენი, რომელიც გამოხატავს ზემოთთქმულ იდეას ვიკის შექმნასთან დაკავშირებით, დავუშვათ wiki.compinfo.ge

გარკვეულწილად უპასუხო დარჩა თავში დასმული კითხვა: რატომ ვიკი? ამ ტექსტის აგებულება მხოლოდ აქედან მაძლევს საშუალებას განვაგრძო ამ კითხვაზე პასუხის გაცემა. ვიკის დედა აზრი გარემოს შექმნაა სადაც ნებისმიერ მსურველს (მაგრამ შეგვიძლია შევზღუდოთ მხოლოდ დარეგისტრირებულ მომხმარებლებამდე) აქვს საშუალება მიიღოს მონაწილეობა საიტის მართვაში და ზედმეტი პრობლემების გარეშე გააუმჯობესოს/განავრცოს ან განათავსოს ახალი მასალები (იგულისხმეთ სტატიები და განხილვები) საიტზე. ის იდეალური ადგილია როგორც სრულფასოვანი ნამუშევრებისთვის, ასევე მოუმზადებელი, დაუსრულებელი სტატიების, ანუ ეგრედ წოდებული “დრაფტების” განსათავსებლად! მაგალითად ჩვენ ფორუმელ გიორგიუსის შეეძლება მისი ჩანასახოვანი სტატია უბუნტუ ლინუქსის ინსტალაცია/გამართვაზე განთავსოს უშუალოდ ვიკიზე, შესაბამისი სახელის მქონე ახალ გვერდზე, სრულად რედაქტირებად ბროუზერიდანვე როგოც მის, ასევე ნებისმიერი ჩვენგანის მიერ! სურვილის შემთხვევაში პირველ ავტორს უნდა შეეძლოს მისი სახელის (ან რაიმე სხვა საიდენთიფიკაციოს, მაგალითად ფორუმის ნიკის/სახელის) მითითება ნამუშევრის ბოლოში, მაგრამ თვით ნამუშევარი უნდა რჩებოდეს ნებისმიერი დარეგისტრირებული მომხმარებლის მიერ რედაქტირებადად (გამონაკლისები შესახებ გადაწყვეტილება ინდივიდუალურად უნდა მიიღოს ადმინისტრაციამ)! ეს საჭიროა ვიკის კონცეფციის ერთ-ერთი უმთავრესი უპირატესობის შესანარჩუნებლად: ღია ვიკი იძლევა საშუალებას არა მარტო ავტორისა და ადმინისტრაციის, არამედ საზოგადოების რესურსით შენარჩუნდეს საიტზე გამოქვეყნებული მასალა მუდამ განახლებულ მდგომარეობაში, რაც პრაქტიკულად შეუძლებელია ამავე მასალის სტატიკური სახით, სტანდარტულ ვებ საიტზე განთავსების შემთხვევაში - კომპინფოს მიმდინარე რეალობა! მოგეხსენებათ საზოგადოების რესურსი თითქმის შეუზღუდავია ავტორისა და ადმინისტრაციისთან შედარებით. აქედან გამომდინარე ვიკი იძლევა საშუალებას ოპერატიულად იქნეს გათვალისწინებული მომხმარებლების კომენტარები და შემოთავაზებები. ასევე ვიკი წარმომიდგენია როგორც პლაცდარმი ნებისმიერი ნამუშევრის სრულყოფილებამდე დასაყვანად, რის შემდეგაც მხოლოდ კომპეტენტური პირის, Ja_Ja-ს(!) თანხმობით ის განთავსდება კომპინფოს მთავარ საიტზე, შესაბამისი კატეგორიის ქვეშ და საწყისი ავტორის მითითებით (როგორც მინიმუმ)!

* ვიკი განთავსდეს, გაიმართოს და მასში ჩაკოპირდეს კომპინფოს ყველა არსებული სტატია (სახელების მიხედვით). მასალები, ღია რედაქტირების შემდეგ გადაკოპირდენ მთავარ საიტზე

როგორც ამ ასევე ყველა დანარჩენ საკითხზე (მთავარი საიტის განთავსება-გამართვის, ფორუმის ოფტიმიზაციის ახალი ძრავის ქვეშ და ასე შემდეგ) სიამოვნებით იზრუნებენ domen და Power_Vano! გვესმის რომ ჯა_ჯა-ს არ აქვს საკმარისი დრო ყველა ზემოთ აღწერილი ოპერაციის განსახორციელებლად, ამიტომ ერთადერთი რასაც უმორჩილესად ვთხოვთ, არის მისცენ ამ ორ (და მხოლოდ ამ ორ) პიროვნებას საკმარისი ადმინისტრაციული ძალაუფლება რომ მოახდინონ ყველა ცვლილება, რომლებიც ასე აუცილებელია კომპინფოს წინსვლისთვის! საჭირო პროგრამული უზრუნველყოფა უკვე შერჩეულია: http://www.mediawiki.org/wiki/MediaWiki ვიკის, ხოლო ჯუმლა ვებ საიტის ძრავად (ფორუმი მხოლოდ ოფტიმიზირებული იქნება ახალ ძრავასთნ სამუშაოდ). ინსტალაციის სცენარი უკვე გათამაშებულია localhost-ზე!

პოსტის ავტორი: domen Aug 27 2008, 08:11 PM

ჰმმ, სად დაიკარგა პოსტები?! მე სრულად ვეთანხმები :-)

მოკლედ, აგერ პირველი სკრინები:

http://img176.imageshack.us/my.php?image=snapshot4ye9.png http://img375.imageshack.us/my.php?image=snapshot1yr5.png http://img254.imageshack.us/my.php?image=snapshot3le1.png http://img257.imageshack.us/my.php?image=snapshot2bv8.png

პოსტის ავტორი: gi0_kiborg Aug 27 2008, 08:41 PM

ვეთანხმები პირველ რიგში იმიტომ, რომ პოპულარიზაციისთვის და თუნდაც ძველი მომხმარებლების შესანარჩუნებლად აუცილებელია სიახლე, ახალი დიზაინი კი საუკეთესო სიახლეა,
ასევე ნამდვილად დასამატებელია კატეგორიები სიახლეებში, გასამართია RSS, ფორუმს რაც შეეხება მგონი ნორმის ფარგლებშია ყველაფერი,
ახალი დიზაინიც ძველს ჯობია ყოველ შემთხვევაში, იმედია როგორც gearge აღნიშნა ძებნის პრობლემაც მოგვარდება
ახლა რაც მეეჭვება Wiki-ზე:

რეალურად რომ შევხედოთ სიტუაციას სიახლეებს და საიტზე რამდენიმე ადამიანი (ვ)დებს, ასე რომ არა მგონია ამან დიდი წინსვლა მოგვცეს თუკი მომხმარებელთა რიცხვი არ გაიზრდება, თუმცა საერთოდ არც wiki-ს იდეაა იდეალური (როგორც იცით მომრავლდა საჩივრები მასში შეცდომებზე და მგონი გერმანიაში საერთოდაც მხოლოდ კვალიფიცირებულ ხალხს აქვს მისი შეცვლის უფლება), თუმცა ნამდვილად აუცილებელია, მაგალითად ყოფილა შემთხვევები როცა "შავი" მასალა მქონია, მაგრამ დახვეწის დრო არ მქონდა, ან დამეზარა და დაიკარგა..., ვიკი რომ ყოფილიყო იქნებ გამოქვეყნებულიყო კიდეც, მაგრამ მაინც ვთვლი რომ რედაქტირების და გამოქვეყნების უფლება ყველა დარეგისტრირებულ პირს არ უნდა ქონდეს, ყოველ შემთხვევაში რამდენადმე აქტიური მაინც უნდა იყოს და საიტის ადმინისტრაციამ მისი ცოდნის დონე იცოდეს (ეს ძირითადად სტატიებს შეეხება), აქედან გამომდინარე ძალიან მომეწონა დრაფტების იდეა, სადაც მასალის განთავსება-რედაქტირება ყველა დარეგისტრირებულ წევრს შეეძლება, ხოლო მისი გამოქვეყნება "პრივილეგირებულ" წევრებს-ანუ არა მარტო ადინებს და გლობალ მოდერებს, ასევე, გამოქვეყნებული სტატიის შეცვლის სურვილიც მათთან უნდა იყოს შეთანხმებული
ჯერ-ჯერობით სულ ესაა ჩემი მოსაზრება ამ კაი საქმეზე
მთავარი- ესაა საიტის პოპულარიძაცია-საჭიროა ბანერები მსგავსი შინაარსის რესურსებზე (overclockers.ge, warez.ge-მგონი არ მუშაობს, თუნდაც forum.ge) შეძლებისდაგვარად, ასევე ყველაზე ეფექტური ჟურნალის გამოსვლა იქნებოდა

პოსტის ავტორი: gearge Aug 27 2008, 11:13 PM

gi0_kiborg
მადლობა გამოხმაურებისთვის! ეხლა რაც შეეხება ვიკის: ის არავითარ შემთხვევაში არ(!) უნდა იყოს გამოყენებული ტექნო სიახლეების დასადებად! სიახლეები, როგორც ჩვეულებრივ, პირდაპირ მთავარ გვერდზე უნდა განთავსდეს! ვიკიზე უნდა დაიდოს მხოლოდ(!) ინფორმაცია, განხილვები და სტატიები კომპიუტერულ ტექნოლოგიასთან ასოციირებულ საკითხებზე/თემებზე! თუ საჭირო გახდა შეზღუდვებიც დაწესდება! ამის გარდა არ დაგავიწყდეს ვიკის მოსახერხებელი თვისება: ნებისმიერი ცვლილება გაუქმებადია და გვერდის ნებისმიერ წინა (თუგინდ საწყის) მდგომარეობაში დაბრუნება რამდენიმე წკაპის საკითხია! ადმინისტრაციის და ერთგული მომხმარებლების ყურადღების ქვეშ არაფერი გამოუსწორებადი არ უნდა მოხდეს. ამავდროულად არ მაქვს ილუზია რომ ბევრი ადამიანი ჩაერთვება ვიკიზე მუშაობაში, რეალურად ზუსტად მეტ-ნაკლებად მცოდნე ხალხი იტრიალებს და კიდევ ერთხელ დიდი მადლობა!

პოსტის ავტორი: student777 Aug 28 2008, 07:55 AM

მე მოვესალმები ამ იდეას ოღონდ მოგვიანებით დავსაბუთებ

ახლა კი მაგრად მეძინება

პოსტის ავტორი: domen Aug 28 2008, 11:55 AM

Gi0rgius
1. სურათებს ვერ ხსნი? :spy:
2. მთელი თემა ამაზეა.
3. თემასთან რა შუაშია?
4. Joomla უფასოა. ფორუმის შეცვლა ჯერ არ განიხილება

ვიკი:
1. მერე რა?
2. ეგეთი მოცლილები ნელ-ნელა დაიბლოკებიან.


რაც შეეხება დრუპალს, რაც არ იცი, ნუ წერ.

პოსტის ავტორი: Power_VANO Aug 28 2008, 01:46 PM

ხვალ ჩამოვალ თბილისში და დავწერ მეც ჩემს შეხედულებებს.

რაც შეეხება ჯა_ჯა-ს, დარწმუნებული ვარ, ისე მოიქცევა, როგორც კომპინფოსტვის აჯობებს, მანამდე კი ჩვენ ამ პროექტს საბოლოო სახე უნდა მივცეთ მისთვის წარსადგენად.

From K800i.

ჰო, კიდევ ერთი, ფორუმის ძრავზე რომ არ იყოს დავა, IPB არ შეიცვლება, ვერცერთი უფასო ძრავი კონკურენციას ვერ უწევს, განახლდება ჩვენი IPB უბრალოდ :-)

პოსტის ავტორი: Frrrredo Aug 29 2008, 10:15 AM

კაია, ვიკის იდეის gearge_ს გამოყენების იდეა მომეწონა
და ცოტა გადახალისსების ამბავი ყველაზე უფრო მომეწონა.

პოსტის ავტორი: otosaxela Aug 29 2008, 11:42 AM

gearge
ნამდვილად საჭიროა ვიკი! ამ საიტის მომავლისთვის!
მე ვიკის ვეთახცმები!
domen

ფუნქციები მომეწონა, მაგრამ დიზაინით ეხლანდელი უფრო მომწონს , ვეთახმები საიტი დასააბდეიტებელია! ოღOნდ HEADER უნდა დარჩეს 100%-ით

პოსტის ავტორი: student777 Aug 29 2008, 09:21 PM

და მე ვიკის აუცილებლობას ვერ ვხედავ ამ ეტაპზე ჯერ მგონი ყველაფერი შეიძლება განთავსდეს სტატიებში


და რაც ფორუმს და cms დიზაინს შეეხება ეგეთი უნდა გაკეთდეს ორიგინალური და მომზიდველი იყოს

პოსტის ავტორი: ja_ja Sep 1 2008, 11:12 AM

ახლა გადავხედე ამ თემას.

ჰმმმმმმმმმ.. ნაწილობრივ უნდა ვაღიარო, ჩემი ქრონიკული უდროობა კაი არაფრის მომტანია.
მეორესმხრივ ნაწილობრივ ცვლილებები ფაქტია გასაკეთებელია, მაგრამ ნაწილობრივ არ ვარ მზად ამ ცვლილებებისთვის.

ახლა რაც შეეხება ამ შემოთავაზებას.

WiKi - კი მისაღებია, მაქვს ერთი ორგან სწორედ mediawiki დაინსტალირებული და შეიძლება მისი ორგანიზება, გინდა ქვედომენად, გინდა ქვესაქაღალდედ, ბმული დაიდება ძირითად საიტზე და ასე შედმეგ.

ოღონდ მოსაფიქრებელია სრულად როგორ იქნება მართვა, სავარაუდოდ რამდენიმე ძირითად მომხარებლებს დავარეგისტრირებთ და შემდეგ დავბლოკავ რეგისტარციას რომ სხვებს არ შეეძლოთ ხელების ფათური, ან რაცხა ამდაგვარი, მოკლედ ეს მოსაფიქრებელია რა და როგორ იქნება, ეს რაც ვთქვი პირდაპირ არ მიიღოთ, უბრალოდ ვთვლი რომ პირდაპირ ღუიად და ვისაც რა დაარტყავს ტავში იმის ჩასწორება და რედაქტირება მიუღებელია.

ჩვენი საზოგადოება მაგ დონეზე ჯერ არ განვითარებულა. ზოგს თავისი საიტის უპრაკონო რეკლამირება მოუინდება, ზოგს კიდევ რაღაც და ასე შემდეგ, აღარაფერს ვამბობ უწმაწუს ლექსიკაზე და რაღაც სულელურ მითოლოგიურ ლეგენდებზე. მოკლედ ეგ მოგვარებადია.

IPB - შეიძლება საწყენი იყოს მაგრა არ შეიცვლება ფორუმის ბირთვი, ცოტახანში ახალ ვერსიაზე გადავიყვან და ეგ იქნება მთელი ცვლილებები. ფორუმის ცვლილებას ამ ეტაპზე არ ვთვლი მისაღებად, დაიკარგება მთელი თემები და ასე შედმეგ. თუ რაიმე აზრი გაქვთ ჩამოაყალიბეთ და თუ მართლა კრიტიკული ვარიანტი იქნება, მაშინ შეიძLება გადახედული იყოს ეს მოსაზრება. განულებული ვერსიის გამოყენება არ არის არგუმენტი, გარკვეული დროის მერე მაინც ვგეგმაც ფასიანი ვერსიის აღებას, ასე რომ ნულიფიცირებული ვერსიის გამოყენების გამო რაღაცეების პონტი არ მიირება.

ძრავი - ვიცი რომ მოხდა ვითომ გატეხვა, სიტყვა ვითომს ტყუუილა არ ვიძახი.
გამოყენებული იყო ადრე სხვის მიერ დაწერილი სკრიპტი, აქაურმა მოხაკაკურა პიროვნებას ვითონ გატეხვა მოახერხა და უბრალოდ გამოიყენა არსებული სკრიპტი. იდეაში ჩემი ბრალია, მეგონა ჩვენთან მაგის მომტვინავიც არავინ იყო, ამიტომაც დაცვა ბოლომდე აქტივირებული არ მქონდა. თორემ დადირკული ძრავიო მთლად მისაღები არ არის ეგ გამოთქმა :-) ზუსტად იმდენად არის დადირკული რამდენადას სვვა საერთო მოხმარების სკრიპტები, არავინ მითხრათ ახლა რომ იგივე ჯუმბლა 100% დაცულია :-) ეგეთი რამ არ არსებობს.

დღეისათვის შეტევებს იმ სცენარით კიდევ ცდილობს ხალხი, ვიცი იმის და მიხედვით რაც ლოგებს ვუყურებ და რეგისტარცია/წაშლის მიდევრობას, მაგრამ ვინც კიდევ ცდილობს მინდა ვახარო, მინიმუმ 5 საფეხურიანი დაცვაა გაკეთებული, ადმინისტარტორის პირველ ჩანაწერს ადმინისტრატორი აღარ ჰქვია, პირველი ჩანაწერი ჩაფლულია 6 თუ 7 ათას დარეგისტრირებულ მომხმარებლებში, გამოიცნონ ახლა ადმინის ნომერი :-), შეცვლილია ბაზის სტრუქტურა, შეცვლილია ბაზის პრეფიქსი, დამატებით დაცულია ადმინ პანელი, პაროლების ფაილი გატანილია ძირითადი დირექტორიიდან ისეთ საქაღალდეში რომელთან წვდონაც WEB-იდან არ არის. ასე რომ ცდა რა თქმა უნდა ისევ შეუძლიათ გააგრძელონ, მაგრამ მაგრად მეეჭვება რაიმე შედეგი მიიღონ.

პროსტა მეზარებოდა ამ ყველაფრის გაგეთება და საკუთარი ნავიგაციისთვის ზედმეტი პრობლემების შექმნა არ მინდოდა თორემ დაცვა მაქსიმალურად არის გაჩალიჩებული.

ძიების პრობლემა - იდეაში ჩემი ბრალია, ერთერთი განახლებისას რომელიღაც ძიების განყოფილებაში რაღაც ჩავამატე, ყურადდღება არ მივაქციე და ისე გავუშვი საიტი, მერე აღმოვაძჩინე რომ ქართული უნიკოდით ძიებას არ აკეთებდა. იმდენად გვიან ვნახე ეგ რომ ვერ ვიხსენებ რომელი ცვლილების დროს მოხდა ეგ. სამწუხაროდ ლოკალზეც ბოლო ცვლილებ ჩატარებული ვერსია მაქვს და მთელი ბირთვის გადახედვის დრო როგორც იცით .....

იდეაში ეს მისახედია და არ მეპატიება აქ ხელებს მაღლა ვწევ და გნებდებით გასასწორებელი მაქვს. ძალიან დიდხანს მივატოვე უყურადრებოდ.

Joomla - რაც შეეხება ამ ბირთვს, ჩემი სუბიექტური აზრით დასანახად ვერ ვიტანდი ძველ ვერსიებს, ახალი სანახავია ჩემს ლოკალზე რისი გამკეტებელია საბოლოო განაჩენს ვერ გამოვიტან ახლავე.

მაგრამ ის რაც სურათებზე იყო წარმოდგენილი და დომენმაც მაჩვენა ლოკალზე, მთლად აღფრთოვანებას ჩემში მართალი რომ გითხრათ არ იწვევს. ძირითადად ეს განპირობებულია ნაცრისფერი დიზაინით და საერთოდ არ არსებული გაფორმებით. იდეაში ტიტველი ბირთვია რომლიც სამოსიც შესაკერია და ჩასაცმელია, თორემ მე მცივა მაგ ბირთვის მაგივრად :-)


ბიჭების გაკეტებული ბირთვი - რაც არ უნდა იყოს უდიდესი მადლობა მინდა ვუთხრა იმ რამდენიმე მოხალისეს, რომლებმაც გულტან ახლოს მიიტანეს კომპინფოს განვითარების ამბები და თავისებული ხედვაც კი შეიმუშავეს. სუპერ დიდი მადლობა მორალური და პრაქტიკულად ფიზიკური მხარდაჭერისთვის, მაგრამ ჯერ იმ ვერსიისგან რაც თქვენ გააკეთეთ მე თავს შევიკავებ. ალბათ დავბერდი, მაგრამ ჩემთვის გამოუყოფელი ერთფეროვანი ფორმა ცოტა არ იყოს დამაბნეველია, სად იწყება სტატიები, სად სიახლეები და რა როგოროაა გაყოფილი მთავარ გვერდზე ვერ ვხვდები (რა თქმა უნდა ვაზვიადებ, მე ძალიანაც კარგად ვხვდები, მაგრამ ვთვლი რომ ძირითადი სასტავისთვის დამაბნეველი ქინება).

რაც შეეხება დომენის მეირ შემოთავაზებულ ვარიანტს და ჩამონათვალს (მომაწობა ფაილი სადაც ჩამოთვლილი პლიუსები და შესაძლებლობებია აღწერილი), კი ბევრი ისეთი რამ არის რომ აშკარად გასათვალისწინებელია, დასაზუსტებელია და განსახილველია. ამ მომნეტშI ჯერ თავს ვიკავებ საბოლოო სიტყვისგან რადგან ჯუმლა როგორც ვთქვი ადრე ავითვალწუნე და ახლა კი ხელახლა გადასახედი მაქვს, იმიტომ რომ ბოლო ვერსიებს და მის შესაძლებლობებს პრაქტიკაზე არ ვიცნობ.

კი დომენ მესმის რომ მომაწოდე სრული ჩამონათვალი, როგორც უკვე ვთქვი სუპერ ნამუშევარია, მაგრამ ეს ჩემთვის უფრო სამოქმედო გეგმაა, ანუ შესამოწმწებელია და ასე შედმეგ. მესმის თქვენი ხედვაც, მაგრამ რაც არ უნდა იყოს, მე ცოტა ჩემებურად წარმომიდგენია ეს საიტი.

მოკელდ ჯერ ჩემთან დავაყენებ ამ ბირთვს და გადავხედავ. მერე გავაგრძელოთ ამაზე საუბარი.

ახლა კი ბოდიში უნდა გავიდე ქართული ჯაჭვის გასაკეთებლად. კომპ მომხმარებლებიც კი ვერ გავექცევით პოლიტიკას. ასე რომ დრეს სარამოს გადავხედავ რა აზრები გექნებათ.

პოსტის ავტორი: Giena Sep 2 2008, 11:15 PM

ja_ja
ვა ჯაჯა? რაფერ ხარ? ნუ შენი აზრი ამ და სხვა საქმეში ყოველთვის გასათვალისწინებელია, მაგრამ ვიკი ნამდვილად აუცილებელია, თუნდაც ერთი მიზეზი შემიძლია მოვიყვანო, მე პირადად 4-5 სტატია მაქვს უკვე დამთავრებული რომელიც აქედან შენ 2 თუ სამი გაქვს ნანახი, მაგრამ დროის უქონლობის გამო ვერ ახერხებ გამოქვეყნებას. თუ იარსებებდა ვიკი მაშინ იქ გამოვაქვეყნებდი სტატიას ბევრი კაცი გადახედავდა, რაღაცას ცაასწორებდა რაღაცას დაამატებდა და ბოლოს უკვე განხილული/დამტკიცებული სტატია გამოქვეყნდებოდა მთავარ საიტზე...

ეს მართლაც გასარკვევი საკითხია, არ შეიძლება ყველას ქონდეს ჩასწორების/ცვლილების საშუალება რადგან შენი თქმის არ იყოს ვიღაცამ შეიძლება უბრალოდ თავისი საიტის რეკლამა გააკეთოს შუა სტატიაში, თუმცა კარგი კონტროლის შემთხვევაში ამ რეკლამამ სულ რაღაც 15-20 წუთი შეიძლება გასტანოს, და კაციშვილმა ვერ ნახოს ადმინების და თვითონ "ჩამნაცვლებელის" გარდა.


არ მიწყინო, მაგრამ ეს აქამდეც იყო გასაკეთებელი, თუნდაც იმიტომ, რომ რომელიღაცა საიტის რომელიღაცა ადმინს არ ებლატავა...



ამაში 100% გეთანხმები, რაღაც ნამეტანი გაყინული იყო სკრიპტი აშკარად ციოდა გრაფიკული თვალსაზრისით, თვარა მე სკრიპტებიდან ძალიან შორს ვარ და მათი მოქნილობა/არამოქნილობიდან.


+1 ეს პირველ რიგში უნდა დამეწერა! გაიხარეთ ბიჭებო...




მეც მინდოდა ჩაბმა, მაგრამ რომ დავინახე კორპუსებთან გაჩერებული ავტობუსები და ხალხს როგორ ტენიდნენ შიგნით გული ამიცრუვდა, თან უწმინდესის კურთხევა იყო ხელიხელს ჩაგვეჭიდა და გველოცა ამათმა კიდე ზეიმად გადააქციეს ნეტავ რას ზეიმობდნენ გამაგებინა, წაგებას? თუ მოვიგეთ?

პოსტის ავტორი: domen Sep 3 2008, 07:05 PM

მმმ ... ასეთი კრიტიკა უკვე კარგია :-)

ესე იგი:

1. Wiki რომ საჭიროა, მგონი ამის წინააღმდეგი არავინაა, რაც შეეხება რეგისტრაციის შეზღუდვას, Giena-ს ვეთანხმები, კარგი მოდერირების პირობებშI ეგეთები ნელ-ნელა დაიბლოკებიან და ამასობაში იქნებ ვინმე დაინტერესებულმა ძალები მოსინჯოს, მოეწონოს და თვითონ დაიწყოს სტატიების წერა? :-) ვიკის მთელი მარილიც ხომ ისაა, რომ მომხმარებლები და ადმინისტრაცია რკინის ფარდით არ არიან გადატიხრული :-)
   
   ბოლო-ბოლო, თუ ძალიან ბევრი "პრობლემის შემქმნელი" გამოჩნდა და ძალები არ გვეყო შესაკავებლად, შეზღუდვები მხოლოდ მერეა საჭირო. თუმცა, არა მგონია ეს დაგვჭირდეს.
2. რაც შეეხება ფორუმის ძრავს, ამჟამად ერთადერთი პრობლემა მოძველებული ვერსიაა და განახლებას საჭიროებს.
3. ჰოო, რაც შეეხება ძრავს.
   
   ძიებასთან რომ პრობლემებია, რა მიზეზითაც არ უნდა იყოს გამოწვეული, ეს პრობლემაა და მომხმარებლებს ხელს უშლით (ყოველ ჯერზე Google ძიების გამოყენება მიწევს, რაც საკმაოდ მოუხერხებელია). ძირითადი ბირთვიც განახლებებს ძალიან ნელა გადის, უშუალოდ საიტზეც ძალიან ცოტაა ნამდვილად გამოსადეგი მასალა (ძირითადად რამდენიმე ფაილი, სტატიები და ბოლოსკენ დადებული სიახლეები). ძველი, Warez ფაილები მიბარდა ციფრულ საიქიოს ამტვირთავ სერვერებზე ვადის გასვლის გამო და ფასეულობებს აღარ წარმოადგენს. ანუ, საიტის მიგრირება თავისუფლად შეიძლება. ჰოდა, გადავწყვიტე, შემომეთავაზებინა სიახლე - ახალი ძრავა ახალი გარსით.
   
   რატომ Joomla? Joomla წინა წლის რეიტინგით სამ ნომინაციაშია გამარჯვებული - საუკეთესო PHP CMS, საუკეთესო CMS, მესამე აღარ მახსოვს :-) ამ წლის გასაქანით ki ადვილად გაიმეორებს წინა წლის შედეგებს. მით უმეტეს, გამოსვლისთვის მზადდება ახალი, 1.6 ვერსია, რომელიც ძალიან ბევრ ხარვეზს ავსებს 1.5-ში. Joomla-ს ჰყავს მილიონზე მეტი მომხმარებლისგან შემდგარი აქტიური აუდიტორია და თავის საკუთარ ჟურნალსაც კი უშვებს :-) რომ არაფერი ვთქვათ დიდი CMS-ებისთვის სტანდარტულ ლოგოიან მაისურებზე, კეპებზე და ა.შ. გარდა Core Team-ისა, Joomla-მ ახლახანს წარმოადგინა Security Strike Team, რომელიც ფოკუსირებულია მხოლოდ სკრიპტის დაცულობაზე. ეს შესავალი იმისთვის, რომ შეაფასოთ, რა პოზიცია უჭირავს დღეისთვის Joomla-ს.
   
   მოკლედ რომ შევაფასოთ თვითონ CMS, Joomla არის პლატფორმა, რომლისთვისაც შეიძლება დაიწეროს ნებისმიერი ფუნქციონალობის მქონე გავართოება და ნებისმიერი სახის გარსი. იწერება კიდეც :-) გარსებს Joomla-სთვის ძალიან ბევრი Premium მწარმოებელი წერს, გაფართოებებს რაც შეეხება, ამ წუთის მონაცემებით Joomla-ს ოფიციალურ საიტზე http://extensions.joomla.org/ და მათი რაოდენობა ყოველდღე სტაბილურად იზრდება. მათ შორისაა ძალიან მძლავრი საყიდლების კალათა (სპეც. სკრიპტებსაც კი ართმევს მომხმარებლებს თავისი უფასოობის და ფუნქციონალობის გამო), Download მენეჯერი, WYSIWYG ედიტორი, ვიდეო-ფოტო-აუდიო გალერეები,სრულყოფილი FTP კლიენტი, მრავალენოვანი საიტის მენეჯერი, სხვადასხვა ფორუმებთან ინტეგრირების მენეჯერი, რეკლამათა სისტემა, RSS მკითხველი (და აგრეგატორი) და ა.შ. რაც მთავარია, აქიდან თითქმის ყველაფერი უფასოა, ანუ განახლება შესაძლებელია გაკეთდეს თავის დროზე და საპორტიც (საკმაოდ კარგი OpenSource პროექტისთვის, საკუთარი გამოცდილებით ვამბობ) მივიღოთ ნებისმიერ პრობლემაზე.
   
   ჯუმლას წინა ვერსიებს რაც შეეხება, 1.0.x ვერსიებს პრობლემები ჰქონდათ უნიკოდთან და არც ისე მოხერხებულები იყვნენ (მაგალითისთვის იხილეთ http://www.despani.com). v1.5.x თავიდანაა გადაწერილი და წინამორბედებისგან განსხვავებით, მერვე საოცრებაა :-)
   
   რასაკვირველია, CMS-ს, რომელსაც აქვს პრეტენზია, იყოს უნივერსალური, რაღაც მინუსები უნდა ჰქონდეს :-) Joomla-ს მინუსებია სუსტი User Management, კატეგორიზაცია და SEO/SEF. სამივე ფუნქცია გადაიწერება 1.6-ში, რომელიც მაქსუმუმ სამ თვეში უნდა ვიხილოთ (Public Beta აგვისტოში იყო გათვლილი).
   
   შეგიძლია გადაათვალიეროთ ჩემი შედგენილი http://files.ge/file/326046/cvlilebebi-doc.html. სრულყოფილი არაა, მაგრამ წარმოდგენას შეგიქმნით ;-)

ja_ja
"შიშველი" ჯუმლა დიდ შთაბეჭდილებას ვერ დაგიტოვებს, თუ გადათვალიერებას დააპირებ, მე მოგცემ გამართულ, მომუშავე საიტს და ის ნახე :-)

Giena

ჰოდა მაგიტომ ავუარეთ გვერდი ჩვენს უბანში გაჩერებულ ავტობუსებს და სამებაში წავედით :-) ისე, ავტობუსებშიც არაფერია ცუდი, ტრასამდე იმ ხალხს მიყვანა არ უნდოდა? :-)

პოსტის ავტორი: gearge Sep 3 2008, 07:38 PM

Gi0rgius

გიორგიუს ცოტა მოითმინე და ახალ საიტს (შესაძოა დიზაინის მხრივ სახეშეცვლილსაც) ყველა პირადა შეძლებთ შეაფასოთ. მასში ბევრი ცვლილებაა შეტანილი, ყველაფერი კომპინფოს არსებულ საიტს შეჩვეული მომხმარებლების კომფორტისთვის! გვაქვს დროებითი ჰოსტი სადემონსტრაციო საიტისთვის და როცა ეს უკანასკნელი მეტ-ნაკლება მისაღებ მდგომარეობაში იქნება, აუცილებლად განვათავსებთ! მანამდე დამატებითი სკრინშოტებით მოგიწევთ დაკმაყოფილება!

პოსტის ავტორი: domen Sep 4 2008, 10:05 AM

Gi0rgius

უკვე გაქართულებულია მთელი ინტერფეისი


არა, სამ თვეში გამოსწორდება ყველა ხარვეზი, რაც ახლა არსებობს ..

პოსტის ავტორი: domen Sep 4 2008, 06:45 PM

Gi0rgius
მთლიანი, საკუთარი პაკეტი მაქვს, გავრცელებას არ ვაპირებ ჯერჯერობით.

მე ვთქვი, რომ სამ თვეში იქნება ახალი რელიზი, საიტს კი დასჭირდება ხუთწუთიანი განახლება.

პოსტის ავტორი: domen Sep 19 2008, 08:30 PM

ესეც ახალი კომპინფო ჯაჯას დაბადების დღის აღსანიშნავად :-)

მიაკლიკეთ: http://picasaweb.google.ru/domen.co/Compinfo_exhib?authkey=DZCBKNBCH6M#

ვეცადეთ, დღეს დაგვემთავრებინა, მაგრამ ბოლომდე "გაშალაშინება" ვერ მოვასწარით :-) მცირე დეტალები შეიცვლება, მაგრამ დიდი არაფერი.

ხვალისთვის Live Demo-ც იქნება :-)

პოსტის ავტორი: otosaxela Sep 22 2008, 09:14 PM

domen

ველოდებით "Live Demo"-ს ,

მაგარია! მარა ერთი რამე, ზემოთ რომ გეწერა "პროდუქციასთან" დაკავშირებით, მართალია მთავარი გვერდიდან უნდა ამოვარდეს მარა უნდა დარჩეს იმ იმედით, რომ კიდევ ვიხილავთ კომპინფოს ჟურნალს!

პოსტის ავტორი: Power_VANO Sep 25 2008, 08:41 PM

The COMPINFO ®Evolution Live Demo:

http://compinfo.wow-info.net

პოსტის ავტორი: Frrrredo Sep 26 2008, 07:40 AM

Power_VANO
ჩემი აზრით პირველი ვარიანტი უფრო ჯობდა, რავი ესეც კაია მარა დიდად არ განსხვავდება ეხლანდელი დიზაინისგან, პირველი მართლა რევოლუცია იყო.

პოსტის ავტორი: domen Sep 26 2008, 07:57 AM

Frrrredo
ამჯერად ზუსტად ახლანდელ დიზაინს დავამსგავსეთ მაქსიმალურად - თეთრ და ლურჯ ფერებშია ყველაფერი.

წინა მე პირადად ძალიან მომწონდა, მაგრამ ჯაჯამ არ მოიწონა .. :-)

პოსტის ავტორი: Power_VANO Sep 26 2008, 12:50 PM

წინას მე IMO, ეს მირჩევნია IMO.

პოსტის ავტორი: otosaxela Sep 26 2008, 03:11 PM

არ შედის

პოსტის ავტორი: Power_VANO Sep 26 2008, 03:13 PM

ჩემთან შედის საერთოდ კი, გლობალი მუშაობს დრეს ცუდად საკმაოდ compinfo.wow-info.net სერვეიჯზე დევს.

პოსტის ავტორი: otosaxela Sep 26 2008, 05:13 PM

მდა გადავათვალიერე, დიზაინი მომეწონა, მაგრამ თვითონ მოდულები და ბლოკები როგორც იყო დალაგებული ეგ არ მომეწონა, ძველ ვარიანში უკეთესად იყო. თან სტატიების კატეგორიები მთელ არეალს იკავებს და ცოტა ცუდად ჩანს, მე უფრო ამის მხარეს ვარ რომ ეგ სკინი ამას "ჩაეცვას" http://img375.imageshack.us/my.php?image=snapshot1yr5.png
+ არაა საჭირო გალერეა
მგონი ჯერ მარტო wiki უნდა დაემატოს და საიტი მერე შეიცალოს

პოსტის ავტორი: Giena Sep 26 2008, 07:11 PM

otosaxela

+1

ისე მე თუ მკითხავთ, ბევრი ზედმეტი კატეგორიაა, მაგალითად LA-კულტურა ვინმე იყენებთ რაიმეში? კიდე ვერ გავიგე აზრი მიმოხილვების და ინფ. ტექნოლოგიების, თუ ზემოთ ჩამოთვლილ კატეგორიებში (პროცესორები, დედა დაფები, ვიდეო დაფები და ა.შ.) მიმოხილვები არ იგულისხმება მაშინ რა არის მიმოხილვა? ან ინფ. ტექნოლოგიებში რა იგულისხმება მაინც? ასევე კარგი იქნებოდა კატეგორიების ჩამოშლა იქვე რომ ხდებოდეს და არა ვთქვათ ახალი გვერდის ჩატვირთვით, საკმაოდ მოხერხებული იქნებოდა, მაგალითად არ მინდა რომ ვხედავდე სტატიებს, დავაჭერდი და აიკეცებოდა ან სხვა რამეს რა მნიშვნელობა აქვს, ასევე ამ სატატიის კატეგორიებში ქვეკატეგორიების გამოჩენაც, მაგ: თუ გავხსნი "ოპერაციულ სისტემებს" გადავყავართ ახალ გვერდზე და ალბათ (ალბათ იმიტომ, რომ აქ არ არის!) აქ გამოჩნდება Linux, Windows და Mac OS არადა იქვე რომ იშლებოდეს უკეთესი იქნებოდა, აღარ მოგვიწევდა ორ გვერდზე შესვლა...

კარგია, რომ Warez განყოფილება მოგიშორიებიათ, მე პირადად ვერანაირ აზრზს ვერ ვხედავდი მის არსებობაში... ძალიან მომეწონა ასევე სტატების შეფასების სისტემა, რომელიც აშკარად გააუმჯობესებს (თუ აყვა მომხმარებელი რა თქმა უნდა!) აზრს თუ მომხმარებელს უფრო რა ტიპის სტატიები აინტერესებს და რას მოელის ჩვენგან...

რაც შეეხება "Wiki სისტემას" მე თავიდანვე მოხარული ვიყავი ამ აზრის და მხარს ვუჭერდი, მაგრამ რატომ ასე ქვემოთ სადღაც ჯანდაბაში, რომელსაც ან მიაგნებს კაცი ან არა? არ ჯობია, ზემოთ იყოს "ფორუმ"-ის გვერდზე? ასევე ბლოგში კარგი იქნებოდა გადასვლა პირდაპირ ხდებოდეს და არა ახალი გვერდის ჩატვირთვით (ანუ როდესაც მაგალითად ბლოგიდან გადავდივართ ტეგებზე) ვიცი, რომ ეს თქვენი ბრალი არ არის სკრიპტია ასეთი, მაგრამ მე ჩემს აზრს გამოვხატავ, ანუ კარგი იქნებოდა


დანარჩენზე რა ვთქვა საიტი უკვე 10-15 ჯერ გაითიშე "უძლიერესი" გლობალის გამო :| აბა წარმატებები ბიჭებო, მერე რომ გაუმჯობესდება გლობალი გადავხდავ კიდე და თუ რამე გამომჩა დავამატებ...

პოსტის ავტორი: domen Sep 26 2008, 07:24 PM

Giena
otosaxela
ხალხო, მთავარი აქ ახალი დიზაინი და ახალი ძრავის Look&Feel-ია, თორემ გალერეის და განყოფილებების დამატება-მოშორება წკაპების საქმეა :-)

მენიუს ხვალ შევასწორებ (ზუსტად ეგეთი ვარიაცია იყო და მოვაშორეთ, რომ ახლანდელს გვანებოდა), ახლა ვეღარ ვასწრებ.

პოსტის ავტორი: otosaxela Sep 26 2008, 07:35 PM

domen

გასაგებია მარა ერთია რომ ბლოკები აკლია , მაგალითად გვერდითა გამოწერის და სტატისტიკის , ასევე გამოკითხვის და რავიცი მგონი სიმბლოურად უნდა დარჩეს ჩვენი პროდუქცია იმ იედისთვის რომ "ბეჭვდითი", ისევ გამოვა

პოსტის ავტორი: Giena Sep 26 2008, 07:54 PM

domen

აი დიზაინს რაც შეეხება, როგორც კომპინფოს დიზაინი მომწონდა ძალიან ისევე მომწონს ესეც, ლურჯი აშკარად უხდება თეთრს და აშკარად თვალებსაც არ ტკენს/ღლის...

პოსტის ავტორი: Power_VANO Sep 27 2008, 08:43 AM

domen

არ ჰქმნა ეგ დომენ მენიუ რომ დინამიურად იშლებოდეს და იკეცებოდეს, ნოუ პრობლემ, მაგრამ დახურული მენიუ = ნავიგაციის სიძნელე, იმის გამო, რომ შუალედური ჩატვირთვა გემატება მენიუს ყოველ დაკეცვა-გახსნაზე. კატეგორიების რედაქტირებაც არაა პრობლემა, რასაც არ ვიყენებთ, ამოვშალოთ მერე, უბრალოდ, ყველაფერი ჩავატიე მაშინ რომ ვავსებდი

LA კულტურა დღევანდელი კომპინფოს გამო ჩავსვი და IT-ზე მოგახსენებთ შუადღისას

წავედი ეხლა ქსელის კაბელი ვიყიდო

პოსტის ავტორი: domen Sep 27 2008, 08:50 AM

otosaxela

გვერდის გამოწერას რას ეძახი, "მოქმედების" ბლოკი რომაა მთავარ გვერდზე? თუ ეგაა, მაშინ ეგ იმიტომ მოვაშორეთ, რომ უბრალოდ ზედმეტი იყო, ზუსტად იგივეს გაკეთება ბრაუზერის ძალებითაა შესაძლებელი.

სტატისტიკის და გამოკითხვის მოდული არის, მთავარი გვერდიდან რომ გადახვალ, მაშინ შორდება და, ეტყობა, მაგან შეგიყვანა შეცდომაში :-) არცერთია საჭირო მთავარი გვერდის იქით და ამიტომ ამოვიღეთ, სტატიების და სიახლეების საკითხავად უფრო მეტი ადგილი რჩება.

"ჩვენი პროდუქცია" ნამდვილად არ არის საჭირო ამ ეტაპზე და ამიტომ ამოვიღეთ, მით უმეტეს, რომ ტექნიკურად მაგ ადგილას მოდულის ჩასმა შეუძლებელია (ნუ, შეუძლებელი არაფერია, დიდი მუშაობა სჭირდება უბრალოდ ), სამაგიეროდ, გამოთავისუფლებულ ადგილზე შეიძლება კიდევ ერთი სვეტი სიახლეები ჩაისვას, ახლა ვმუშაობთ მაგაზე. იმედისთვის და სიმბოლიზირებისთვის ადგილის გაცდენა არ ღირს :-)

Giena
Mea Culpa, გამომრჩა :-)

პოსტის ავტორი: otosaxela Sep 27 2008, 10:42 AM

domen

არა ეგ არა , "საფოსტო გზავნილები", "გამოკითხვები", "ამჯერად საიტზეა", "სტატისტიკა", ანუ იმის თქმა მინდა რომ ახალი დვიჟოკი მომწონს მარა დიზანის თითქმის 1-1-ზე უნდა გადავიდეს , ახლანდელი კომპინფო ესტეთიურად ძალიან ლამაზია, ხოლო შესაძლებლობებზე ვანო მელაპარაკა და გასაგებია ახალი დვიგის საჭიროება

და მენიუს რაც შეეხება, რა საჭიროა მენიუშივე იყოს სტატიის ყველა კატეგორია? ანუ იყოს ერთი კნოპკა სტატიები, რომელიც კატერორიებზე გადაიყვანს

პოსტის ავტორი: domen Sep 27 2008, 11:30 AM

otosaxela

მთავარი გვერდი მიმსგავსებულია მაქსიმალურად - პროდუქციის და "მოქმედების" ბლოკის გამოკლებით.


მენიუ უბრალოდ მთავარ გვერდზეა ასე და ასევე დავტოვეთ ..

Giena
მოკლედ, ვცადე სხვანაირი მენიუების გაკეთებაც, მაგრამ ორი პრობლემაა.

თუ დინამიურად ჩამოშლად მენიუებს გავაკეთებთ, მაშინ ეს შეიძლება გაკეთდეს ორნაირად.

1. მაუსის მიტანისას იკეცება გახსნილი ქვე მენიუ და იხსნება ახალი. პრობლემაა ის, რომ მაუსის დაწკაპუნებაზე მიჩვეულ მომხმარებელს დისკომფორტი ექნება ნავიგაციასთან - მაუსის ოდნავ განძრევა და უკვე სხვა მენიუ იშლება.
2. მაუსით მენიუზე დაწკაპუნებისას იკეცება გახსნილი ქვე მენიუ და იხსნება ის, რომელზეც დააწკაპუნეს. აქ პრობლემა ისაა, რომ, სიტყვაზე, სტატიებს ერთბაშად ვერ ნახავ (სტატიებზე დაწკაპუნებაზე მენიუს გახსნის ეფექტია მიბმული და არა ბმული ყველა სტატიაზე), გიწევს ცალ-ცალკე ქვეკატეგორიების თვალიერება.

ასევე ვცადე არადინამიური მენიუს გაკეთება - თავიდან მხოლოდ პირველი დონის მენიუ (სიახლეები, სატატიები და ა.შ.) ჩანს, დაწკაპებისას გადადიხარ შესაბამის სექციაზე და იხსნება ქვემენიუები. აქ პრობლემა ისაა, რომ მთავარ გვერდზე ძალიან მშრალის შთაბეჭდილებას ტოვებს, გეგონება, არაფერია საიტზე.

მოკლედ, როგორცაა, კარგია, მგონი :-)

პოსტის ავტორი: Power_VANO Sep 27 2008, 12:10 PM

domen

Totally agree!

პოსტის ავტორი: Giena Sep 27 2008, 05:43 PM

domen

შეგიძლია გვანახო, პრაქტიკაზე? ანუ ამ საცდელ გვერდზე, რომ გაკეთდეს ასეთი რამ? უბრალოდ საინტერესო იქნებოდა... რა არის იცი? თვითონ სტატიების განყოფილებას, თითქმის მთელი მარცხენა მხარე მიაქვს და ისე გამოდის, რომ საიტზე სტატიების გარდა არაფერი არაა, კი ვიცი რომ არის, მაგრამ შთაბეჭდილება ჩნდება ასეთი... დაგვანახე აბა და ვნახავთ ყველა... მე პირადად ყველაზე ძალიან ეგ მომენტი მაწუხებს, მინდა, რომ გვერდზე რაც შეიძლება მეტი ადგილი იყოს და მომხმარებელმა თვითონ გადაწყვიტოს, რა ნახოს და რა არა...

პოსტის ავტორი: domen Sep 27 2008, 07:15 PM

Giena
ჰო, მაგაზე ვიმსჯელეთ უკვე და მოშორება დამავიწყდა ნაწილის :-) ქვეგანყოფილებას, რომელსაც ერთი სტატიაც არ აქვს, არსებობის უფლება არ აქვს :-) მაგ პრინციპით ძალიან ბევრი გაიცხრილება და რეალურად ნახევარი დაგვრჩება :-)

დანარჩენი ვარიანტების დემოსაც გავაკეთებ ახლავე და ნახეთ (დიზაინს ნუ მიაცევთ ყურადღებას, გამოსწორებადია).

პოსტის ავტორი: domen Sep 27 2008, 07:53 PM

Giena
საშინელი გლობალია, 10 წუთი ვუნდები ერთი მოდულის ინსტალაციას

ახლა გავდივარ და ხვალ შეუადღემდე გავაკეთებ აუცილებლად :-)

პოსტის ავტორი: Power_VANO Sep 27 2008, 10:06 PM

მენიუ შევამსუბუქე ამასობაში

http://compinfo.wow-info.net

პოსტის ავტორი: Giena Sep 28 2008, 04:48 AM

Power_VANO
domen
მე, მგონი რაღაც კატეგორიები დასამატებელი გახდება, რადგან ამ წუთას ვათვალიერებდი სტატიებს მაგალითად domen-ის სტატია: "საუკეთესო იარაღები საიტის შესახებ ინფორმაციის შესაგროვებლად ამ კატეგორიების მიხედვით, რომელში უნდა მოხვდეს? ან ჯაჯას მიერ აღწერილი "IIS 7.0 + PHP + MySQL ინსტალაცია და კონფიგურირება Windows VISTA-ში"? კი ამას კიდევ შეიძლება მოვუძებნოთ "პროგრამები", მაგრამ domen-ის სტატია აშკარად აუტში რჩება... ან ესეც გაუგებარია Power_VANO-ს სტატია "Google AdSense – დიდი ფული თუ..." სად უნდა წავიდეს? ალბათ მიმოხილვებში უფრო? Wi-Fi თავისუფლება თბილისში კიდევ ერთი ჯაჯას სტატია აუტში მოკლედ მე მგონი ერთი კატეგორია აუცილებლად დასამატებელია "ინტერნეტი" აბა რას იტყვით? ეხლა საერთოდ დავიბენი ჯაჯას სტატია მწვანე ბარათი და 5 წლიანი აშშ-ს მოქალაქეობა, ეს ალბათ სამოქალაქო კოდექსში უნდა ჩავწეროთ
და მგონი პროგრამების კატეგორიას ჯობია "პროგრამული უზრუნველყოფა" დაერქვას...

პოსტის ავტორი: Power_VANO Sep 28 2008, 08:29 AM

Giena

არ ჩაეტია ეგ, ბოლო ნაწილი ჩამომიჭრა სკრიპტმა

ხო, კატეგორიებს დავხვეწთ კიდევ, ეგ არაფერი მსგავსი რამეები შეგვიძლია გავუშვათ "მომიხილვებში" დროებით, სანამ დავხვეწთ კატეგორიებს.

ხომ, IT-ს განყოფილებაზე რომ მეკითხებოდით, აი ასეთი სტატიები უნდა წავიდეს მანდ: http://it.anandtech.com/

პოსტის ავტორი: domen Sep 28 2008, 09:45 AM

Giena
ბოლო-ბოლო ასეთი "გზასაცდენილი" თემებისთვის კატეგორია "სხვადასხვა" არსებობს :–)

პოსტის ავტორი: Power_VANO Oct 15 2008, 10:01 PM

Gi0rgius
მიდი ველოდები PM-ს აბა, გაქვს შენც ეგ ვიდეოები?

პოსტის ავტორი: gearge Feb 12 2009, 08:40 PM

http://www.compinfo.ge/~power_vano/wiki/index.php/მთავარი_გვერდი

მთავარი გვერდი (უფრო სწორედ მისი პროტოტიპი) განახლდა! შექმნილია შესაბამისი კატეგორიების (Windows, Linux/UNIX, Mac) გვერდები, საცდელი თემფლეთებით (ჩონჩხებით:-) და [დროებით მაინც] ყველაფერი ეს ურთიერთდაკავშირებულია სრულიად ხულიგნურ-დილეტანტური გზით

"http://compinfo.ge/forum/index.php?showtopic=3515" ... დიახაც რომ!

პოსტის ავტორი: Power_VANO Feb 13 2009, 02:47 PM

gearge

მაგის შესახებ ფარული დეტალები არ იცით ჯერ

თუ იცი?

პოსტის ავტორი: Bekward Feb 13 2009, 05:07 PM

რა არის ჩვენც გვითხარით უბრალო მოკვდავებს, დაგვაიმედეთ მაინც, დღეს მარტო სამჯერ გაავსეს ცხელ-ცხელი თემებით ბოტებმა

პოსტის ავტორი: Power_VANO Feb 13 2009, 05:14 PM

იმიტომაც მგონი 150 თემა წავშალე დღეს ვმუშაობთ მე და დომენი ამ საკითხზე და მალე ყველა გაიგებთ ინფოს ბოტებსაც მოვერევით და... (ბოლო სიტყვებს არ ვამბობ )

პოსტის ავტორი: gearge Feb 13 2009, 06:21 PM

Power_VANO

არა, სამწუხაროდ არა!

პოსტის ავტორი: Giena Feb 15 2009, 01:43 AM

Power_VANO
ე ბიჭო დაამთავრე დორბლები ჩამოგვდის უკვე ხალხს

ისე ერთი პატარა იდეა მომივიდა, აი მაგალითად უცხოურ საიტებზე არის "Quick Tips"-ები, ანუ მაგალითად როგორ შევიყვანოთ IP მისამართები ვისტაში, ნუ კი მე მეცინება ხოლმე და დარწმუნებული ვარ ამ ფორუმის ყველა წევრსაც, მაგრამ ხომ შეიძლება გაკეთდეს ეს უცოდინარი მომხმარებელისთვის? თან ყველასთვის ადვილი იქნება ამის გაკეთება, არც ბევრი ტექსტი უნდა და სულ რაღაც 2-3 სურათი, რომ ადამიანი მიიყვანო კონკრეტულ ერთ საკითხამდე... შეიძლება იყოს მაგალითად, როგორ გამოვაჩინოთ Quick Launch-ი გაგეცინათ? მეც აშკარად არის ასეთი საკითხები ხანდახან აქტუალური გამოუცდელი მომხმარებელისთვის... ასე მგონია მე და არ ვცდები არა აქვე დავამატებ ერთსაც, რომ ამ "Quick Tip's"-ების დაწერა და გამოქვეყნება უნდა შეეძლოს ყველა აქტიურ (მაქსიმუმ 5-10) მომხმარებელს. ასე დღეში 5-10 ცალი დაიდოს შეიძლება და საიტიც ხშირად განახლებადი იქნება... შემდეგ მაგალითად თუ მოგროვდა ბევრი ასეთი "TIP"-i Vista-სთვის, შეიძლება გაკეთდეს ერთი გვერდი "ვისტას სწრაფი მაგალითები" და იუქვე იყოს სწრაფი ბმულები სხვადასხვა მაგალითებზე, შევა მომხმარებელი ნახავს სარჩევში რომელიმე მისთვის საინტერესო მაგალითს დააჭერს და უცბად გადახტება იმაზე... აბა რას იტყვით?

პოსტის ავტორი: Power_VANO Feb 15 2009, 09:25 AM

Giena
programmist => domen

ჰო, დღეიდან ბოტები აღარ შეგაწუხებენ პირველი ნაბიჯი გადადგმულია

პოსტის ავტორი: Giena Feb 15 2009, 09:49 AM

Power_VANO

ანუ? პროგრამისტი ტოლია ან ნაკლებია დომენზე?



ეგ ნამეტანი კაი, მაგრამ დანარჩენს, როდის მოყვებით საჯაროთ? აუ მერე ნახეთ თქვენ დაკითხვა მიმიქარავს მერაბიშვილი და მისი გუნდი

პოსტის ავტორი: Power_VANO Feb 15 2009, 10:06 AM

Giena

არა, მაგის იმპლემენტაცია დომენზეა მეთქი დამოკიდებული


მალე ბატონო, მალე მოითმინეთ ცოტაც. ინსტიტუციონალური პროცედურებია ჯერ გასატარებელი

პოსტის ავტორი: otosaxela Feb 21 2009, 11:38 AM

Power_VANO
რა ხდება, აპდეიტი, როდის იგეგმება?

პოსტის ავტორი: domen Feb 21 2009, 11:56 AM

otosaxela
თუ არაფერი შეიცვალა, ძალიან მალე ;-)

პოსტის ავტორი: otosaxela Feb 21 2009, 03:10 PM

domen

ანუ? ახალი საიტი როდის გამოჩნდება, ერთ-ორ დღეში, ერთ-ორ კვირაში, თუ ერთ-ორ თვეში?

და თუ საიდუმლო არაა რა სიხლეები იქნება?

პოსტის ავტორი: Power_VANO Feb 22 2009, 02:45 PM

ფორუმის განახლებისთვის მიდის ეხლა სამუშაოები

ძირითადი საიტის განახლებაზე ჯერ კონსულტაციები მიმდინარეობს

პოსტის ავტორი: otosaxela Feb 22 2009, 04:03 PM

Power_VANO

მაშინ რა აზრი აქვს ფორუმის განახლებას , ისე საიტს რასერჩოდით მერე რა რომ არაა ajax-ი

ეგ კი, და ბოტები რარაც აღარ მებლანდებიან ფეხებში და რა უქენით?

პოსტის ავტორი: Power_VANO Feb 22 2009, 05:53 PM

otosaxela

რა ვუქენით და ყოველდღე ხელით ვასაბმიტებ ახალ რეგისტრაციებს ადმინის ვალიდაციაზეა ფორუმი გადაყვანილი


ეგრე გადაწყდა, ფორუმიდან დაწყება უფრო მარტივია და კონსულტაციები არ იყო დიდად საჭირო

პოსტის ავტორი: Bekward Feb 22 2009, 08:16 PM

ვანო ვიზიარებ

ისა და პრემიები იქნება? (ცისფერი მთები ) ანუ ფორუმი მალე იქნება? სავარაუდოდ მაინც.

პოსტის ავტორი: domen Feb 22 2009, 08:18 PM

Bekward
ასე ახლოს ჯერ არ ვყოფილვართ განახლებასთან რამდენიმე ტექნიკური საკითხი დარჩა მოსაგვარებელი და მზად იქნება

პოსტის ავტორი: Power_VANO Feb 23 2009, 08:29 PM

ესე ბატონებო, ხვალ ფორუმი გაითიშება, განახლდება და ისევ ჩაირთვება

არ მოიწყინოთ

+ ერთ ახალ კომპონენტსაც დავამუშავებთ.

პოსტის ავტორი: otosaxela Feb 24 2009, 03:24 PM

Power_VANO

ძალიან კარგი
და ჩემ პროფილზე რა მოხდა გამოვიდა?

პოსტის ავტორი: Bekward Feb 24 2009, 07:41 PM

Power_VANO
არიქა თორე ვარდები აყვავდა უკვე

პოსტის ავტორი: Power_VANO Feb 25 2009, 07:13 AM

plastic

მოდერი ხარ მანდ?

ჰოოო, გუშინ ვერ გავითიშეთ ხომ? ჰიდერთანაა პრობლემები ცოტა და ისაა მოსაგვარებელი. მგონი დღეს საბოლოოდ უნდა განვახლდეთ.

პოსტის ავტორი: Power_VANO Feb 25 2009, 08:19 PM

კი, განვახლდით, გმადლობ

ჩამოწერე აბა რა პრობლემებია რომ მივხედოთ

პოსტის ავტორი: otosaxela Feb 25 2009, 08:42 PM

Power_VANO
ხო განახლდა ...
მარა მართლაც არის რაღაც პრობლემები , ვანო და ჩემ ძველ პროფილს არაფერი არ ეშველა?

პოსტის ავტორი: Power_VANO Feb 25 2009, 08:58 PM

ჰო, ეგ აი ამ ღილაკის ბრალია:



მაგას მოვუგრეხთ კისერს, დავამოკლებთ ან რამეს ვუზამთ.

პოსტის ავტორი: Power_VANO Feb 25 2009, 09:00 PM

ახალ ფორუმში წევრთანაა ეგ მოდერატორის მაგივრად მოდერს დავწერთ და შემოკლდება

პოსტის ავტორი: CHABA Feb 25 2009, 09:01 PM

მემგონი სულ არაა საჭირო რა უნდა შეატყობინო რისთვის უნდა შეაწუხო ? იავიცი

პოსტის ავტორი: Sh@ko Feb 26 2009, 01:17 PM

მგონი გავაოფე და თემა გავხსენი შემინდეთ!

პოსტის ავტორი: Bekward Feb 26 2009, 03:26 PM

ეს შეამოკლეთ თარგმანში, უშნოდ ჩანს

პოსტის ავტორი: gearge Feb 26 2009, 04:58 PM

"აცნობე მოდერს"

პოსტის ავტორი: otosaxela Feb 26 2009, 05:04 PM

Power_VANO

ვაპშე დაწერე უბრალოდ "შეტყობინება" და ეგაა, საღაც დავდე ეგეთი ღილაკი, ავტორმა შემინდოს არ მახსოვს საიდან გადავწერე

პოსტის ავტორი: Bekward Feb 27 2009, 11:26 AM

plastic
TAB + Enter რას აკეთებდა?

პოსტის ავტორი: Sh@ko Feb 27 2009, 01:01 PM

მონიშნულის ციტატად ჩასმა არაა (თუმცა შეიძლება არც იყოს საჭირო )

ლათინურად დაწერილის გადაყვანა ქართულად ხომ არ მოძველდა? რაღა საჭიროა... ისედაც ყველა ბრაუზერში იწერება ქართულად... თან თუ ინგლისურ ტერმინს ჩაურთავდი, იმასაც მიაყოლებდა



სწრაფი რედაქტირების ველში: "შენახვა", "გაუქმება", "სრულად" ხომ არ იქნება მიზანშეწონილი?



"შეატყობინე მოდერატორს" - აქ შეიძლება ჩავსვათ მოკლე სიტყვა: "განგაში" (არ მომწონს), "! აცნობე", "! ცენზურა", "! დარღვევა"... ან ისეთი იეროგლიფი, რომელზეც ამოიკითხება, ამ პოსტის წაკითხვა შეუძლებელია ( "!" + "წითელი ამკრძალავი ნიშანი" (ან ლურჯი))

პოსტის ავტორი: Power_VANO Feb 27 2009, 02:05 PM

Sh@ko

ეს სადა კი მაგრამ? მე რომ ვერ ვხედავ?

პოსტის ავტორი: otosaxela Feb 27 2009, 02:16 PM

Power_VANO
"შეატყობინე მოდერს"-იც კარგი დიდია , კიდე დაპატარავება უნდა, და რომ არის კიდევ კნოპკა ზემოთ ყბრალოდ ისარი რომ დარჩეს?

პოსტის ავტორი: Power_VANO Feb 27 2009, 02:21 PM

3-4 დღეში ახალ ღილაკებს დავხატავ მთლიანად, უკეთესი შრიფტით, უფრო ლამაზებს და კარგებს და მთლიანად გამოვცვლით დიდი გარჩევადობის ეკრანებზე კოშმარია ამ ღილაკების წაკითხვა, ძალიან თხელი შრიფტითაა გაკეთებული.

პოსტის ავტორი: otosaxela Feb 27 2009, 02:23 PM

Power_VANO
ახალი პრობლემაბიც გაჩნდა ამ ვერსიასთან ერთად....
აი გიენას რა დაეწერა:

პოსტის ავტორი: Power_VANO Feb 27 2009, 02:34 PM

ჰო, ვიცით ეგ. გრძელ სიტყვებს, რომელიც უნიკოდშია, კვეცავს. მაგაზეც ვიმუშავებთ, ვიპოვნით და მოვუგრეხთ კისერს

პოსტის ავტორი: Giena Feb 27 2009, 04:51 PM

otosaxela
დაანებეთ ჩემ ცოლს თავი ! :D:D
ხო ეგ მეც შევამჩნიე

პოსტის ავტორი: otosaxela Feb 27 2009, 05:35 PM

Giena

პოსტის ავტორი: Bekward Feb 27 2009, 07:38 PM

Power_VANO
მე მოვუგრიხე მაგას კისერი უკვე, გავკადნიერდები და მიგითითებთ
Admin CP > Tools and Settings > CPU Saving & Optimization > Use multi-byte safe wordwrap მნიშვნელობა Yes-ზე

ისე ეს ციტატაში ჩასმა ჩვენში დარჩეს და არასწორად მუშაობს
ანუ ვთქვათ მოვნიშნე Power_Vano-ს სიტყვები და ციტატაში ჩასმას ჩემი ნიკის ქვეშ დავაჭირე, ვანოს სიტყვებს სვავს როგორც ჩემსას


რაღაც აკლია, მარა ვერ მივხვდი რა

პოსტის ავტორი: Bekward Feb 28 2009, 09:26 AM

plastic
ინგლისური ვინცხას შემოეჭამა ეტყობა

მე არ შემიმოწმებია, მაგრამ იდეიდან გამომდინარე, სადაც გრძელი სიტყვა გაიჭაჭანბს ყველგან უნდა გასწორდეს, იდეაში.

უი პირადი ფოტო

პოსტის ავტორი: Power_VANO Mar 1 2009, 07:53 PM

ჩემთან ჩანს ქვემოთ, დროპ დაუნ ბოქსში, შენთან არაა?


გაიხარე, გავასწორე

საქმე იმაშია, რომ UTF-8-ში, ქართულ ტექტში ერთი სიმბოლო არ უდრის 1 ბაიტს. 3 ბაიტს ჭამს 1 სიმბოლო.
ინგლისურში 1 სიმბოლო = 1 ბაიტი. წესით სადაც ეგ პრობლემა იყო, ყველაგან უნდა გამოსწორებულიყო.

ჰო, ხვალიდან ახალ ღილაკებზეც დავიწყებ მუშაობას.

პირად ფოტოზეც გავარკვევთ, ალბათ CHMOD-ების პრობლემაა.

პოსტების შეერთებაც გავასწორე, 30 წუთის განმავლობაში შეაერთებს ერთმანეთის მიყოლებით ერთი იუზერის დაპოსტილებს ფორუმი.

პოსტის ავტორი: Bekward Mar 1 2009, 08:01 PM

Power_VANO

ჩანს მარა ისევ ქართულია რომ გადამყავს
არაფერს
კაი ხანს ვიწვალე მაგაზე, ხან ენის ფაილში შევცვალე უფრო მოკლე სიტყვებზე და ა.შ. მერე შემთხვევით წავაწყდი მაგას
ეს ქართული ხო ყველაფერში ეგეთი კაპრიზნია რა

CHMOD-ების თუ ენის ფაილში აკლია რაღაც?

პოსტის ავტორი: Power_VANO Mar 1 2009, 08:21 PM

არ აკლია, პირად ფოტოზე ხომაა ქვემოთ?

ეგ რაც აკლია, სანახავია მაინც. 2.3.3 ვერსიის ლენგვიჯ პაკი გვაქვს გამოყენებული, იმიტომაა ეს პრობლემა. რაღაც-რაღაცებია დამატებული ახალ ვერსიაში და ისინი არ ჩანს.

ინგლისურზე ვნახე ჰო, ჩემთანაც ეგრეა, ისევ ქართულად ჩანს. ACP-შიც ვერ ვნახე, CHMOD-ებია მანდაც გასასწორებელი. ხვალ მაგასაც მივხედავთ მოკლედ.

პოსტის ავტორი: otosaxela Mar 2 2009, 03:35 PM

Power_VANO
ვანო, ქეშები განაახლე რა , ძველი BBC-ები ზოგან არ მუშაობს

პოსტის ავტორი: Power_VANO Mar 2 2009, 03:37 PM

ვერ მივხვდი, უფრო კონკრეტულად მითხარი და გავაკეთებ რაც საჭიროა.

პოსტის ავტორი: otosaxela Mar 2 2009, 03:40 PM

Power_VANO

მაგ PM-ში ზოგან [ b ] [/ b ] (პრაბელების გარეშე ) ცანს იმის მაგივრად რომ ტექსტი გაამუქოს , და ერთ რომელიღაც ძველ თემაშიც შემხვდა

პოსტის ავტორი: Power_VANO Mar 2 2009, 03:54 PM

აჰა, დავააპდეიტებ ყველა ქეშს მაშIნ.

აბა შეამოწმე, BB-კოდის კეში დავააპდეიტე, ისევ ისეა თუ გასწორდა?

პოსტის ავტორი: otosaxel Mar 2 2009, 03:56 PM

Power_VANO

PM-ში ისევ ისეა , კაროჩე ეგ არაფერი , თუ არ სწორდება, იმ მესიჯებს წავშლი, ბაზას რომ არ შეუსალოს

პოსტის ავტორი: Power_VANO Mar 3 2009, 06:16 PM

აჰა, ღილაკების დახატვა დავიწყე, გაიხაროს Photoshop CS4-ის შემქმნელმა და იმან, ვისაც თავში ვიდეო აქსელერაციის დამატება მოუვიდა

შეაფასეთ აბა მოდერისთვის შეტყობინების გაგზავნის ახალი ღილაკი

პოსტის ავტორი: otosaxel Mar 3 2009, 06:32 PM

plastic

99.9% (0,1 ანომალიებს )

პოსტის ავტორი: Power_VANO Mar 3 2009, 06:50 PM

უმრავლესობამ გადაწყვიუტოს, დაე!

წითელ ფერში იმიტომ გავაკეთე, რომ მაინც უარყოფითი დანიშნულების ღილაკია ეგ. ლურჯს კაციშვილი ყურადღებას არ მიაქცევს ხვალისთვის დავამთავრებ ყველას.

+ პირადი ფოტოს ატვირთვასთან დაკავშირებული პრობლემაც გავასწორეთ

ოთო, შენს სტატიას ხვალ დავდებ რა, დღეს ღილაკებმა გამიტაცა

პოსტის ავტორი: otosaxel Mar 3 2009, 06:52 PM

Power_VANO

, ნოუ პრობლემ , მაგრამ ცოტახანში კიდევ შეგაწუხებ , თუ ამ სტატიამ გაამართლა (ანუ თუ გასაგებად ვწერ )

პოსტის ავტორი: CHABA Mar 3 2009, 07:05 PM

მე კი ვამბობდი ეგ კნობკა სუ არაა საჭირო მეთქი მარა გაფერადება ასწორებს რაც მეტად იქნება სხვა ფერებეი გამოყენებული (რათქმაუნდა გემოვნებით და შეხამებით) და არ იქნება ჩალურჯებული საიტი უფრო უკეთესია მგონი
ძველ საიტზე მიჩვეული თვალისთვის ყვირის თორე ისე ნორმალურია

პოსტის ავტორი: Bekward Mar 3 2009, 07:56 PM

მშვენიერია თავისი შინაარსიდან გამომდინარე, მაგრამ ამავე დროს ლამერებს მიიზიდავს და მოგივათ ოხრად უაზრო შეტყობინებები

პოსტის ავტორი: Power_VANO Mar 3 2009, 08:54 PM

დავამთავრე ღილაკების ხატვა. დემო შეგიძლიათ იხილოთ აქ: http://internationalrelations.wow-info.net/forum/

ხვალ საღამოს ჩვენთანაც ავტვირთავთ.

პოსტის ავტორი: gearge Mar 3 2009, 09:11 PM

მშვენიერი ნამუშევარია ვანო, რაც გადავათვალიერე ძალიან კარგია და რაც მთავარია ... გამორჩეული

პოსტის ავტორი: Bekward Mar 3 2009, 09:12 PM

Power_VANO
რა შრიფტი გამოიყენე მანდ თუ საიდუმლო არაა?

პოსტის ავტორი: Power_VANO Mar 4 2009, 04:57 AM

გმადლობთ შეფასებებისთვის

მანდ გამოვიყენე აი ეს შრიფტი: BPG Nino Mtavruli ბოლდიანი ვარიანტი.

პოსტის ავტორი: otosaxel Mar 4 2009, 12:43 PM

Power_VANO
მაგარია
პროსტო ერთი რამე უნდა გკითხო შრიფტი ბოლდი რომ აიღე, უბრალო უფრო კარგად არ ჩანს? ანუ უბრალოზე ისევ ესეთად ჩანს და გამოდდება ჭირდება?

პოსტის ავტორი: Power_VANO Mar 4 2009, 01:28 PM

ბოლდი იმიტომ ავიღე, რომ დიდ რეზოლუციებზე კარგად და მკვეთრად ჩანს უფრო. ჩვეულებრივი თხელია უფრო.

პოსტის ავტორი: otosaxel Mar 4 2009, 01:30 PM

Power_VANO

აჰა გასაგებია , ახლა 800X480-ზე ვარ და ალბათ მაგიტომ მომეჩვენა ეგრე

პოსტის ავტორი: Power_VANO Mar 10 2009, 09:43 AM

აჰაა, სპეციალურად მაღალი გარჩევადობებისთვის დავამზადე ეს ღილაკები, რომ 1280+ ზე კარგად ჩანდეს.

პოსტის ავტორი: gi0_kiborg Mar 10 2009, 04:23 PM

რადიაციის ნიშანი მეგონი ზედმეტია, ფერზე კი გეთანხმები, წითელი უნდა იყოს, მაგრამ მგონი მარტი ! ეყოფა, ცენტრში რომ იყოს, ცოტათი გაფორმებული

პოსტის ავტორი: Power_VANO Mar 10 2009, 06:54 PM

არა, რაც ეგ დავაყენეთ, მას მერე უაზროდ აღარ მიგვიღია მე და დომენს PM-ში შეტყობინებები ერიდებიან ახალი იუზერები ეტყობა მაგას

პოსტის ავტორი: sikvdila Mar 14 2009, 04:46 PM

მოგესალმებით ყველას

მივესალმები იდეას საიტის განახლების შესახებ. ასევე მივესალმები იდეას Joomla-ზე გადასვლას.

მე თვითონ უკვე რამდენიმე წელია Joomla-ზე ვჩალიჩობ და ასეთუისე მაქ გამოცდილება ასვე კონტაქტები ცნობილ თიმებთან და თუ საჭირო იქნება ისეთი კომპონენტების ან მოდულების შოვნა რაც არ ყოფილა პუბლიკისათვის განკუთვნილი შემიძლიათ დაგეხმაროთ

კიდევ გადავიკითხავ პოსტებს და დაგეხმარებით თუ ინებეთ

P.S

სორრიტ ეს როდინდელი პოსტი ყოფილა, მე რატომღაც ახალი მეგონა. როგორც ჩანს აქ Joomla-ზე არ განიხილება საკითხი

პოსტის ავტორი: domen Mar 14 2009, 05:28 PM

sikvdila
დიდი მადლობა, მხარდაჭერისთვის

პოსტის ავტორი: nick_el_son Feb 21 2011, 06:27 PM

ეჰ რა კარგი იდეები იყო და როგორ ვერ განხორციელდა (((

პოსტის ავტორი: otosaxel Feb 21 2011, 07:25 PM

როგორც კომპინფოელი მოვითხოვ საიტის განახლებას!


WEB მართალია ფაქტიურად არ მახსოვს ამგრამ თუ საჭიროა გავიხსენებ კიდეც, კომპინფოს ჭირდება ახალი ძრავი, ja_ja გვიშველე!

პოსტის ავტორი: nick_el_son Feb 22 2011, 06:58 AM

+1


ოღონდ ეს საიტი განაახლეთ და ლეპტოპების მიმოხილვებს მე დავდებ ხოლმე და "how to"-ს ტიპის სტატიებს


პროსტა ტეხავს რა , პირველი სერიოზული საიტია კომპიუტერული ტექნიკის შესახებ და ესე უაზროდ მოკვდეს

+1


ოღონდ ეს საიტი განაახლეთ და ლეპტოპების მიმოხილვებს მე დავდებ ხოლმე და "how to"-ს ტიპის სტატიებს


პროსტა ტეხავს რა , პირველი სერიოზული საიტია კომპიუტერული ტექნიკის შესახებ და ესე უაზროდ მოკვდეს