აისის პირველ კურსზე ჩაწერა დაიწყო, სამხედრო-სალაშქრო საქმე ვისაც აინტერესებს პარამეტრები

[Sh@ko]

თქვენი ნებართვით გადმოვაკოპირებ აქა (IMG:style_emoticons/default/smile.gif)


მცირე შესავალი:

საზოგადოებრივი ორგანიზაცია "აისი" საქართველოს ნებისმიერ მოქალაქეს ამზადებს სალაშქრო-სამხედრო საქმეში. კურსი შედგება ლექციებისა და პრაქტიკებისაგან (სალაშქროდ გასვლა). ლექციებზე შეისწავლება ის, რისი ცოდნაც სავალდებულოა პატრიოტი ქართველისათვის ომისა თუ ისე, ბუნებაში მოგზაურობის დროს.


"აისი" არ არის გასამხედროებული ორგანიზაცია! სწავლებისას გამოიყენებენ ლეგალურ პნევმატურ იარაღებს.

შეგიძლიათ ჩაეწეროთ I კურსზე!

ხანგრძლივობა: 22 დღე (7-28 თებერვალი). 10 სასწავლო შეკრება (7 თეორია და 3 პრაქტიკა).
დაწყება: 7 თებერვალი (კვირა). 17:00-ზე აისის ოფისში.

: ცხრილი :

7 თებერვალი (კვირა) - ღია კარის დღე, აისის გაცნობითი ლექცია, სალაშქრო უსაფრთხოება, პირადი აფთიაქი
9 თებერვალი (სამშაბათი) - სალაშქრო საქმე: ეკიპირება, ლაშქრობის დაგეგმვა
7 თებერვალი (ხუთშაბათი) – თვითგადარჩენის ტექნიკა
14 თებრვალი (კვირა) – საველე გასვლა, ეკიპირების ჩვენება, კარვის გაშლა, ცეცხლის დანთება, საბანაკე ადგილების ჩვენება და ა.შ.

16 თებერვალი (სამშაბათი) - ტოპოგრაფიის საფუძვლები (რუკის გარე გაფორმება, ფერები, პირობითი ნიშნები)
18 თებერვალი (ხუთშაბათი) - ქვეითის შეიარაღების ნომენკლატურა (AK, PK, RPG).
21 თებერვალი (კვირა) - ფორსირებული ლაშქრობა სიმაღლე 1440-ზე ბანაკის მოწყობით. დამოუკიდებელი გადაადგილება.

23 თებერვალი (სამშაბათი) - სალაშქრო მედიცინა
25 თებერვალი (ხუთშაბათი) – გარჩვა/შეჯერება
28 თებერვალი (კვირა) - ფორსირებული ლაშქრობა დიდგორის მიმართულებით.

: დამატებითი ინფორმაცია :

კურსზე დაიშვებიან პირები, რომლებსაც შეუსრულდათ 17 წელი. ამ ეტაპზე შეგვიძლია 60 მსმენელის მიღება.

თეორია ჩატარდება საღამოობით, კვირის შუა დღეებში, პრაქტიკული სწავლებები და ლაშქრობები მოეწყობა კვირას და ოფიციალური დასვენების დღეებში.

: ვის გამოადგება აისის სასწავლო პროგრამა :

1). სამხედრო და სალაშქრო საქმით დაინტერესებულ ადამიანებს.
2). ძალოვან სტრუქტურებში სამსახურის დაწყების მსურველებს - მიიღებთ საბაზისო ცოდნას და საკუთარ თავს გამოცდით შესაბამის სიტუაციებში.
3). ფიზიკურად და მენტალურად გაკაჟების მსურველებს.
4). თანამოაზრეების გაცნობის და ქართული საქმის კეთების მსურველებს.

I კურსის წარმატებით დასრულების შემდეგ, რეკრუტი დაიშვება II კურსზე სადაც შეისწავლის ნავიგაციას და სამხედრო საქმის ძირითად ელემენტებს. II კურსის წარმატებით დასრულების შემდეგ, რეკრუტს მიენიჭება მოლაშქრის წოდება და ჩაირიცხება მოლაშქრეთა სექციაში. სადაც გაიღრმავებს ცოდნას და შეინარჩუნებს ფიზკურ ფორმას სპეციალური პროგრამების მიხედვით.

: აისის საველე ოფიციალურ გასვლებზე მოქმედი ძირითადი წესები :

იკრძალება ალკოჰოლის (ლუდიც) გასვლებზე წამოღება და გამოყენება (გარდა სამედიცინო დანიშნულებისა).
იკრძალება ხმაური, ბილწსიტყვაობა და გინება, ნაგვის დაყრა, შინაური ცხოველის წამოყვანა.
ნარკოტიკის, ან ფსიქოტროპული საშუალების გამოყენებაზე, წევრი დაუყოვნებლივ გაირიცხება აისიდან.

-------

თუ რეგისტრაცია არ გაქვთ გავლილი, გაიარეთ!

http://www.aisiforce.org/cevri.html

-------

კონტაქტი (დარეკეთ უკიდურესი აუცილებლობის შემთხვევაში).

895 308382 (18:00-23:00 სთ)
855 106861