შეცდომის 4 ხაზი, 4 lines of fail პარამეტრები

[domen]

დასვენებისას ხანდახან Opera Mini-თი ინტერნეტში დავძვრებოდი და My Opera-ზე წავაწყდი ერთ საინტერესო ისტორიას. იმდენად მომეწონა, რომ ვთარგმნი :-) მეძინება, ამიტომ ალაგ-ალაგ ულამაზო თარგმანისთვის ნუ დამძრახავთ (IMG:style_emoticons/default/tongue.gif) მაშ ასე:


ყველა დროის ყველაზე ძვირი შეცდომა?

მინდა მოგიყვეთ ერთი ისტორია და ვფიქრობ, რომ არანაირ საიდუმლო ინფორმაციას არ გავამჟღავნებ.

ცოტა ხნის წინ Opera Software-ს ახალი სერვერები დასჭირდა. როცა ამას ვამბობ, არ ვგულისხმობ ერთ და ორ ცალს - ჩვენ ველოდით Opera Mini-ს მომხმარებელთა ბაზის ზრდას, ვნერგავდით სერვისს Opera Link და My Opera-ც სწრაფი ტემპებით იზრდებოდა. ჩვენი გათვლებით, სერვერებზე დატვირთვა მალე წარმოუდგენლად უნდა გაზრდილიყო (და მართალიც აღმოვჩნდით).

რა თქმა უნდა, ამ ყველაფრის განსახორციელებლად სერიოზული ინვესტიცია უნდა ჩაგვედო სერვერებში (ანუ გვეყიდა ეს ბრჭყვიალა ნივთები დიდი რაოდენობით).

საკმაოდ დიდი თანხა გამოიყო და დარწმუნებული ვარ, ჩვენი სისადმინები თავს ისე გრძნობდნენ, როგორც ბავშვები ახალი წინ ღამეს. ჩვენი საყიდლების სია სერვერების ყველა მსხვილ მწარმოებელს დაეგზავნა და მათაც არ დააყოვნეს თავიანთი შემოთავაზებების და სანიმუშო სერვერების გამოგზავნა.

თუმცაღა, ერთ-ერთმა მსხვილმა მწარმოებელმა, რომლის სახელიც ყველა ჩვენგანმა იცის და რომლის პროდუქტსაც ალბათ ამ ისტორიის მკითხველთა უმრავლესობა იყენებს, ნამდვილად ვერ შეასრულა თავისი დავალება. როცა Opera-ს სისადმინებმა ჩართეს მისი გამოგზავნილი სატესტო სერვერი და დააპირეს მოესინჯათ ამ სერვერის ვებ-ინტერფეისი, ისინი წააწყდნენ JS კოდის ერთ ბლოკს, რომელმაც ყველა (CTO-ს ჩათვლით) პირდაღებული და მეტიც, შეურაცხყოფილი დატოვა.

კოდის ერთმა ოთხხაზიანმა ბლოკმა, დაწერილმა რომელიმე დაქირავებული პროგრამისტის მიერ, მათ მილიონების ზარალი მოუტანა.

და რა ეწერა ამ ბლოკში?

პროგრამული კოდი

if (is.opera)
{
window.location.href="config/error.htm";
}