როგორც ვიტყობინებოდით, გავრცელდა ინფორმაცია, რომ MS Windows 7 Starter-იდან სამპროგრამიანი შეზღუდვის ამოღებას გეგმავდა, სულ ცოტა ხნის წინ ეს ინფორმაცია ოფიციალურად დადასტურდა Windows Team Blog-ზე. დეველოპერებმა გამოაქვეყნეს პოსტი, რომელშიც სიტყვა-სიტყვითაა აღწერილი, რომელი შესაძლებლობები ამოაკლდება Windows 7 Starter-ს. ესენია:

• ეფექტი Aero Glass, ანუ Starter-ის მომხმარებლებს მოუწევთ Windows Basic ან სხვა გაუმჭვირვალე თემების გამოყენება;
• ნაკლები პერსონალიზაცია - Starter-ში არ იქნება დეკსტოპის ფონის, ფანჯრების ფერის და ხმოვანი სიგნალების ნაკრებების ცვლა;
• არანაირი Switch User, ერთდროულად მხოლოდ ერთი სამომხმარებლო ანგარიში (user) შეიძლება იყოს ჩართული;
• მრავალი მონიტორის მხარდაჭერა;
• DVD დისკების დაკვრის შესაძლებლობა Media Player-ში (თუმცა ეს მოგვარებადია სხვა პლეერების გამოყენებით);
• Windows Media Center;
• Remote Media Streaming;
• დომეინის მხარდაჭერა;
• XP Mode;

როგორც ხედავთ, ამ სიაში სამპროგრამიანი შეზღუდვა არ ფიგურირებს. MS-მა გადადგა სწორი ნაბიჯი Netbook-ების ბაზრის ათვისების საქმეში, ზემოთ ჩამოთვლილი შესაძლებლობების უქონლობა ბევრს ვერ დაამწუხრებს, ზომიერი საფასურის სანაცვლოდ კი ბევრი არ იტყვის უარს ნაცნობ გარემოში მუშაობაზე.

ბეჭდვითი ვერსია