COMPINFO - კომპიუტერული ინფორმაცია - სიახლეები » Web News » PIX.GE - ახალი ქართული უფასო სურათების ჰოსტინგი

http://compinfo.ge/index.php?area=1&p=news&newsid=2372


ადგილმდებარეობა  მთავარი » სიახლეები » Web News
PIX.GE - ახალი ქართული უფასო სურათების ჰოსტინგი
PIX.GE - ახალი ქართული უფასო სურათების ჰოსტინგი

სულ რამდენიმე დღეა, რაც ქართულმა ჰოსტ-პროვაიდერმა Serv.ge-მ ახალი სერვისი - PIX.GE გაუშვა. ახალი სერვისი სურათების ასატვირთი ჰოსტინგია (მსგავსად ჩვენთან გავრცელებული imageshack.us-ისა და radikal.ru-სი), რაც მთავარია, მის უკან ჰოსტინგ კომპანია დგას, რაც ავტომატურად სერვისის ხანგრძლივ სიცოცხლეს განაპირობებს.

გთავაზობთ სერვისის პრეზენტაციის ოფიციალურ ტექსტს:

წარმოგიდგენთ საქართველოში ლიდერი ჰოსტინგ პროვაიდერ Serv.Ge -ს ახალ პროექტს, სურათების უფასო ჰოსტინგს http://www.pix.ge (aka http://pics.ge ; http://photos.ge ).
საქართველოში მსგავსი სერვისი, ანალოგიური მასშტაბებით, ჯერ არ განხორციელებულა. მიმდინარე მომენტისათვის სერვისის საიმედოობას უზრუნველყოფს 7 ცალი HP Proliant DL380 G5 სერვერი, თითოეული მათგანი 16 GB მეხსიერებით და 2 quad core x 2.5 GHz პროცესორებით, ხოლო საერთო დისკური სივრცე შეადგენს 28 TB, რაც საჭიროების შემთხვევაში, კიდევ გაიზრდება.

დანარჩენისთვის დააჭირეთ სრულად-ს.



სერვისის დეტალების შესახებ:

1. არ საჭიროებს რეგისტრაციას (თუმცა, რეგისტრირებული მომხმარებლებისათვის, არის დამატებითი სერვისები);
2. ფაილების ინახება განუსაზღვრელი ვადით. იმ შემთხვევაშიც კი, თუ თქვენს ფაილზე მიმართვა არასდროს განხორციელდა, ფაილი არ წაიშლება (დარეგისტრირებულ მომხმარებლებს აქვთ შესაძლებლობა, წაშალონ თავიანთ მიერ ატვირთული ფაილები);
3. შესაძლებელია JPG, PNG, GIF ან BMP ფაილების ატვირთვა. ანიმირებული GIF ფაილის ატვირთვის შემთხვევაში, ზომის ცვლილების დროს, ანიმაცია შენარჩუნებული იქნება;
4. ერთდროულად 5 ფაილის ატვირთვა, თითოეული ზომით მაქსიმუმ 5 მბ (დარეგისტრირებულ მომხმარებლებს შეუძლიათ ერთდროულად 10 ფაილის ატვირთვა);
5. სხვადასხვა ეფექტები ატვირთულ სურათებზე (დეტალურად იხილეთ საიტზე) და უდიდეს სოციალურ საიტზე — ფეისბუქზე პირდაპირ გამოქვეყნების საშუალება;
6. სურვილის შემთხვევაში, წარწერის გაკეთება ატვირთულ სურათებზე, ხოლო დარეგისტრირებული მომხარებლებისათვის — თქვენთვის სასურველი ტექსტის მითითება, რაც ავტომატურად გაუკეთდება თქვენს მიერ ატვირთულ ყველა სურათს;
7. განუსაზღვრელი რაოდენობით ალბომების შექმნა და პირდაპირი ბმული თითოეულ ალბომებზე;
8. თქვენს მიერ ატვირთული სურათები არ გამოჩნდება შემთხვევითი სურათების გვერდზე, თუ თქვენ სპეციალურად არ ჩაურთავთ ამ ფუნქციას.

გარდა ზემოთ ჩამოთვლილი და უკვე მოქმედი ფუნქციებისა, უახლოეს მომავალში სერვისს კიდევ რამდენიმე ფუნქცია დაემატება, რაც ისევ და ისევ მომხმარებლების კომფორტზე არის გათვლილი.

ვიმედოვნებთ, სერვისით სარგებლობა თქვენთვის მოხერხებული იქნება.

გისურვებთ წარმატებებს,
http://Serv.Ge -ს ადმინისტრაცია.



ბეჭდვითი ვერსიაბეჭდვითი ვერსია | 09-04-2010, 13:31:00 | Power_VANO
   

გამოხმაურება

ძაან კარგი პირობებია წარამატებებს ვუსურვებ pix.ge ს
01-05-2010, 13:18:47 | NITREX

http://www.youtube.com/watch?v=ondNafMCDpw
16-04-2010, 15:41:38 | Zghuladze

ძალიან კარგი პირობებია, თან რედაქტორიც მომწონს რომ აქვს...

სისწრაფე და უვადო შენახვა კი საერთოდ სუპერ
გადავედი უკვე მაგ სერვისზე
12-04-2010, 22:55:08 | Gio_kiborg

კომენტარის დატოვება
თქვენ არ შეგიძლიათ კომენტარების დატოვება.