მთავარი  |    ფორუმი  |    FAQ  |    წესები  |    რეკლამა ჩვენთან  |    კონტაქტი  |    რუქა






ადგილმდებარეობა  მთავარი » სტატიები » მობილურები
TechMode (NetMonitor) Sony Ericsson-ის ტელეფონებზე
ჩართვა და კოდების განმარტება

TechMode არის სონიერიქსონის მობილურ ტელეფონებში ჩაშენებული ინჟინრული პროგრამა, რომლის საშუალებითაც შესაძლებელია ინფორმაციის მოპოვება მობილური ოპერატორისა და მისი ქსელის შესახებ. შეძლებთ გაიგოთ რა სიხშირეზე მუშაობს თქვენი მობილური ტელეფონი, რა მანძილზე იმყოფებით საბაზო სადგურიდან, როგორია სიგნალის მიღების ხარისხი და ა.შ.

TechMode-ს ჩართვა:

*585*0000# + Send

ან

*585*0000 + Call

თუ თქვენს მობილურში TechMode-ს ჩართვის კოდი სტანდარტულად მუშაობს, ეკრანზე დაიწერება TechMode Started. TechMode-ს პოვნა შესაძლებელია Activity Menu-ში ან Menu => Settings => Connectivity => Mobile Networks => TechMode.

TechMode-ში სამი ჩანართია, GSM Channel, GSM AMR და GSM GPRS. ჩანართებში გადასვლა ხდება > (ჯოისტიკის მარჯვნივ გადაადგილებით) ღილაკით.

დავიწყოთ კოდების განმარტება:

-------------------------
GSM Channel
-------------------------

A BBB CC -DD EEEEF GG
HHHH I JJJ K LL MM
NNN OO PP QQQ RR SSSS
TTT -TT UUU -UU VVV -VV
WWW -WW XXX -XX ZZZ -ZZ


ლოდინის რეჟიმში ჩანს მხოლოდ გამუქებული კოდები. დანარჩენები ჩანს საუბრის ან ინფორმაციის გადაცემის რეჟიმში.

A - მიმდინარე სერვისის ტიპი:

  • B - BCCH - Broadcast Control CHannel - ლოდინის რეჟიმი
  • S - SDCCH - Standalone Dedicated Control CHannel - გამოიყენება რეგისრაციისთვის, ავტორიზაციისთვის და სტატუსის განახლებისთვის.
  • F - Frequency Hopping - TDMA ფრეიმები გადაეცემა სხვადასხვა სიხშირით.
  • T - TCH - Transfer CHannel - საუბრის/ინფორმაციის გადაცემის რეჟიმი.

BBB - მიმდინარე არხის ნომერი:
  • 001...124 - GSM 900 (124 არხიანი დიაპაზონი)
  • 512-885 - DCS 1800 (374 არხიანი დიაპაზონი)
  • 974...1xxxx - EGSM 1900
  • 9999 - სიგნალი არ არის.

CC - მიმდინარე არხის ნომერი საბაზო სადგურზე

-DD - სიგნალის სიმძლავრე (RxLevel): -40dBm...-117dBm.
-40dBm ყველაზე ძლიერი სიგნალია.

EEEE - Cell ID

F - Cell Sector Number

GG - DTX

HHHH - სხვა არხის ნომერი (?)

I - ტაიმსლოტის ნომერი: 0...7
ერთი არხი რვიდან, რომელიც გამოიყენება TDMA ტრაფიკის გადასაცემად.
0 ნომრიან არხზე გადაეცემა სამართავი ინფორმაცია: BCCH, SDCCH და ა.შ. დანარჩენი არხები გამოიყენება ტრაფიკისთვის.

JJJ - გადამცემის სიმძლავრე, დიაპაზონი 0...34 dBm

K - Bit Error Rate - შეცდომების რაოდენობა, 0-დან 7-ის ჩათვლით.
0 - შეცდომები არ არსებობს. 5-ზე მეტის შემთხვევაში ხშირად იკარგება მოსაუბრის ხმა.
RxQual ცხრილი
0---BER < 0.2 (%)
1---0.2 < BER < 0.4
2---0,4 < BER < 0.8
3---0.8 < BER < 1.6
4---1.6 < BER < 3.2
5---3.2 < BER < 6.4
6---6.4 < BER < 12.8 (ამ დროს პაკეტების ნახევარი იკარგება)
7---12.8 < BER

LL - Timing Advance. დიაპაზონი - 0...63.
ამ პარამეტრის საშუალებით შეიძლება საბაზო სადგურამდე მანძილის გამოთვლა შემდეგი ფორმულით:
L=1.11 x TA/2, სადაც L არის მანძილი საბაზო სადგურამდე, TA - Timing Advance.
GSM სტანდარტში მაქსიმალური დაშორება სადგურიდან 35.2 კმ-ია, შესაბამისად 1 ერთეული მიახლოებით უდრის 550 მეტრს.
Timing Advance: 0; 1; 2; 3; 4; 5...63
მანძილი სადგურამდე: <550 მ; 550-1100 მ; 1100-1650 მ; 1650-2200 მ; 2200-2750 მ; 2750-3300 მ ... 35.2 კმ.

MM - No Info. დიაპაზონი - 0...31 (შესაძლოა დაკარგული პაკეტების რაოდენობას აღნიშნავდეს)

NNN - საუბრისას გამოყენებული კოდეკი:
  • HR - Half Rate
  • FR - Full Rate
  • EFR - Enhanced Full Rate


OO - No Info. დიაპაზონი - 0...95 (შესაძლოა იყოს RxQual)

PP - No Info. დიაპაზონი - 0...83

QQQ - Network Country Code (NCC)

RR - ოპერატორის კოდი (MNC)
საქართველოს შემთხვევაში:
01 - ჯეოსელი
02 - მაგთი
04 - ბილაინი

SSSS - Local Area Code (LAC)

TTT -TT UUU -UU VVV -VV
WWW -WW XXX -XX ZZZ -ZZ

ალტერნატიული არხების ნომრები და სიგნალის სიმძლავრე (RxL)


--------------------
GSM AMR
--------------------

--- --- --- D ---- U ----
-- YYY ZZZ - -


პირველი სამი ხაზი იგივეა, რაც GSM Channel-ში. ბოლო ორი კი განსხვავებულია.
YYY - C1 (კორექცია 1)
ZZZ - C2 (კორექცია 2)
რაც ნაკლებია განსხვავება C1-სა და C2-ს შორის, მით უკეთესია. იდეალურ შემთვევაში C1=C2.
ასევე შესაძლებელია, რომ C1=C2=RxLevel

TechMode მუშაობს K750-ზე, D750-ზე, W800-სა და K600-ზე. W810-ზე საჭიროა GDFS-ის დაპატჩვა. ასევე, იგივე დაპატჩვით  შესაძლებელია იმუშავოს უფრო ახალ მობილურ ტელეფონებზეც, თუმცა ეს ჯერჯერობით დაუდასტურებელია.

ალბათ გაგიჩნდათ კითხვა, რისთვის გამოიყენებთ TechMode-ს. რიგით იუზერს ეს ფუნქცია, ცხადია, არ სჭირდება, მაგრამ ცოტა გამოცდილი მომხმარებელი, რომელმაც სტატია წაიკითხა, აუცილებლად იპოვნიდა ბევრ საინტერესოს. ერთ საინტერესო ”გასართობს” აქვე გეტყვით:
როგორც იცით, საქართველოში სამი ფიჭური კავშირგაბმულობის კომპანიაა: მაგთი, ჯეოსელი და ბილაინი. აქედან სამივე კომპანიას აქვს როგორც GSM 900, ასევე GSM 1800 სიხშირის გამოყენების უფლება (ბილაინმა 900 მეგაჰერციანი დიაპაზონი ახლახან შეიძინა, ამიტომ ჯერჯერობით დანერგილი არაა). უკვე იცით, რომ TechMode-ს გამოყენებით შეგიძლიათ გაიგოთ რომელ სიხშირულ დიაპაზონში მუშაობს თქვენი ტელეფონი და რომელი სიხშირული დიაპაზონის BS-ებია თქვენს გარშემო. აბა შეამოწმეთ, სამივე კომპანია იყენებს იმ სიხშირეებს, რომლის ლიცენზიებიც ნაყიდი აქვთ? :-)

  
ინფორმაცია


თემატური სტატიები




სტატიის შეფასება
ეს გვერდი უკვე შეაფასეს!

შეფასება: 1
შეფასება: 2



გამოხმაურება

სტატია უდაოდ საინტერესო იყო ჩემთვის... თვითონ საიტიც ხომ აღმოჩენა იყო !!! რაც შეეხება ფიჭური კომპანიების მიერ სიხშირული დიაპაზონის შესყიდვებს, ჩამოთვლილთაგან, მაგალითად მაგთის ლიცენზიები აქვს არა მარტო მაგ სიხშირეებზე, არამედ 450მგჰც, 2გჰც და WiMax-თვის საჭირო დიაპაზონებზეც. მადლობა სტატიის ავტორს
14-10-2009, 02:12:56 | p-u-l-s-a-r-i


კომენტარის დატოვება
თქვენ არ შეგიძლიათ კომენტარების დატოვება.